پێدڤیە سێدارەدانا کوردان بهێتە ڕاگرتن
هەڤپەیمانیا هێزێن سیاسی یێن رۆژهەلاتێ کوردستانێ د داخویانیەکێ دا دیار کریە، پشتی راگرتنا شەڕێ د ناڤبەرا ئەمریکا و ئیرانێ دا دەولەتا ئیرانێ دەست ب گرتن و سێدارەدانا لاوێن کورد کریە، رۆژانە لاوێن کورد ل سێدارە ددەت و مخابن هەتا نها جڤاکێ نێڤدەولەتی ل هەمبەر سێدارەدانا لاوێن کورد بێدەنگە و ژ بەر بێدەنگیا جڤاکێ نێڤدەولەتی ژی دەولەتا ئیرانێ رۆژانە کوردان ل سێدارە ددەت.
هەڤپەیمانیا پارتێن رۆژهەلاتێ کوردستانێ داخواز ژ هەموو رێکخستنێن مافێن مرۆڤی و وەلاتێن ئێکەتیا ئۆرۆپا ژی دکەت کو ل هەمبەر بنپێکرنا مافێن مرۆڤی ل ئیرانێ بێدەنگ نەمینن و هەلوەستەکێ توند نیشا بدەن، چونکی ژ بەر بێدەنگیا وان وەلاتان و رێکخستنان ئیران رۆژانە لاوێن کورد و چالاکڤانێن مافێن مرۆڤی ل سێدارە ددەت و رۆژانە ژی خەلک دهێنە دەستەسەرکرن، نها رەوشا مافێن مرۆڤی ل ئیرانێ و رۆژهەلاتێ کوردستانێ گەلەک خرابە و دڤێت هەموو ئالی ل هەمبەر رەوشا نها یا خراب ل ئیرانێ خوەدان هەلوەست بن.
