پێشمه‌رگه‌ی هێرشه‌كا داعش تێكشكاند
ئه‌ڤرۆ نیۆز، قائید میرۆ
چه‌كدارێن داعش ل رۆژهه‌لاتێ ناحیا باشیك هێرشه‌كا به‌رفره‌ه كریه سه‌ر هێزێن پێشمه‌رگه‌یێن كوردستانێ و د ئه‌نجامدا هێرش هاتیه شكاندن و شه‌ش ته‌رمێن داعش هاتینه دیتن.
ژێده‌ره‌كێ ئاگه‌هدار ل میحوه‌رێ باشیك ب ئه‌ڤرۆ نیۆز راگه‌هاند” شه‌ڤا بۆری چه‌كدارێن داعش ل سێ لایانڤه هێرشكریه سه‌ر هێزێن پێشمه‌رگه‌ی ل میحوه‌رێ باشیك و پتری ده‌مژميره‌كێ شه‌ڕه‌كێ گران دناڤبه‌را پێشمه‌رگه و چه‌كدارێن داعش روویدایه و د ئه‌نجامدا پێشمه‌رگه شیا هێرشا داعش پاشڤه‌ببه‌ت”.
ژێده‌ری گۆتژی” چه‌كدارێن داعش سێ هه‌مه‌رێن بۆمبڕێژكری دگه‌ل ئینابوون، به‌لێ دوو هه‌مه‌ر ژلایێ هێزێن پێشمه‌رگه‌ی هاتنه ژناڤبرن و تیرۆرستێن داعش شه‌ش ته‌رمێن خوه ل گوڕه‌پانا شه‌ڕی بجه هێلاینه”.
ئه‌ڤی ژێده‌ری ئه‌ویه‌كژی خویاكر، فڕۆكه‌یێن هه‌ڤپه‌یمانان پشته‌ڤانیا هێزێن پێشمه‌رگه‌ی دكر ل هێرشا شه‌ڤا بۆری دا و پێشمه‌رگه یێ بێ زیانه دڤێ هێرشێ دا.