پێنتاگۆن پرۆژەیەکێ ددەتە ترامپی
رۆژنامەیا واشنتۆن پۆست د راپۆرتەکێ دا دیار کریە، وەزارەتا شەڕی یا ئەمریکا و بەرپرسێن دی ژ رەوشا نها یا ل گەل ئیرانێ توورە نە و پرۆژەیەک بەرهەڤ کرینە و رادەستی ترامپی کرینە و داخواز دکەن د زووترین دەم دا فەرمانا ئێرشەکا نوو و دژوار ل دژی ئیرانێ بهێتە دان.
هەمان رۆژنامێ ئەو یەک ژی دیار کریە، ترامپ ژی گەهشتیە ڤێ باوەریێ کو هەتا ئیران باش تەنگاڤ نەبیت داخوازیێن ئەمریکا قەبوول ناکەت و ژ بەر ڤێ یەکێ ژی لیستەک ژ ئارمانجێن نوو ل ئیرانێ هاتینە بەرهەڤ کرن و رادەستی ترامپی هاتیە کرن و هەکە ترامپ رازیبوونا خوە دیار بکەت دبیت د دەمەکێ نێزیک دا جارەکا دی ئەمریکا و ئسرائیل پێکڤە ئێرشی ئیرانێ بکەن.
ل ئالیێ دی دوهی ئیسماعیل بەقایی پەیڤدارێ وەزارەتا دەرڤە یا ئیرانێ ژی دیار کر، هەتا نها ژی دانوستاندنێن وان ب رێیا پاکستانێ ل گەل ئەمریکا بەردەوامن.
