پێنجەمین دیدارا نەورۆزێ یا هەلبەستێ بەردەوامە
ئەڤرۆ
ب هەلكەفتا بیرەوەریێن ئادار و نەورۆزێ و رۆژا جیهانی یا هەلبەستێ، ئێكەتیا نڤیسەرێن كورد/تایێ دهۆكێ، ب پشتەڤانیا رێزدار(د.عەلی تەتەر) پارێگارێ دهۆكێ، ب هەڤكاری دگەل رێڤەبەریا گشتی یا رەوشەنبیری و هونەری/دهۆك، دوهی ئێڤاری 14/3/2023 دەست بگێڕانا دیدارا نەورۆزێ یا هەلبەستێ (5) كر و بۆ دەمێ سێ رۆژان دێ یا بەردەوام بیت.
د بەرنامێ دوهی ئێڤاری دا، كو ل هولا نڤیسەران بوون سێزدە هەلبەستڤان تێدا دپشكداربوون و ناڤەرۆكا هەلبەستێن وان گرێدای بیرەوەریێن ئادارێ و نەورۆزێ بوون، بەرنامێ ئەڤرۆ رۆژا دویێ دێ ل زاخۆ بیت و ل بەرە ل دەمژمێر یازدەی بەری نیڤرۆ كوڕەكێ هەلبەستخواندنێ ل هولا سەرۆكاتیا باژێرڤانیا زاخۆ بهێتە گێڕان، بەرنامێ سوبەهی رۆژا سێی و دووماهیێ دێ ل قەزا ئاكرێ بیت و ل دەمژمێر دوازدەی نیڤرۆ دێ كوڕەكێ هەلبەستخواندنێ ل هولا بزاڤا رەوشەنبیری هێتە گێڕان و دڤان هەرسێ رۆژان دا دێ پتری (36) هەلبەستڤانان پشكداربن، كو ژ دهۆك و هەولێر و سلێمانیێ و مووسل و باكۆر و رۆژهەلات و رۆژئاڤایێ كوردستانێ نە.