چار گوندێن دھۆکێ ژ ئاریشێن ئاڤێ قورتال بوون
ئەڤرۆ نیوز:
عەبدولواحد ئەترووشی، بەرپرسێ نڤیسینگەھا دھۆک یا دەزگایێ بارزانیێ نەمر بو روژناما ئەڤرۆ دیارکر کو ھەر چار گوندێن ( ئێمینکێ، سکرینێ، مانگێش و رەبەنکا) ژ ئاریشەیێن کێم ئاڤیێ ب دووماھی ھاتن و گۆت: ئەوان گوندان ئاریشە د کێم ئاڤیێ دا ھەبوون، یان ئاڤا وان ب کێرڤەخوارنێ نەدھات، لەورا بەری پێنج ھەیڤان مە دەست ب دروستکرنا پرۆژێن وان کربوو کو پێکھاتی بوون ژ کێشانا تورا ئاڤێ و کولانا بیرا و چارەسەرکرنا ئاریشان کو بشێن ب ئێکجاری ژێ قورتال ببن و ئەم شیاین پرۆژەی ب دووماھی بینین.
دیارکر ژی کوژمێ پتر ژ ٣٤٥ ھزار یورویان ژێ ھاتینە مەزاختن و ١١٥٠٠ کەس دێ ژێ مفاداربن.
ھەژی یە کو دەزگەھێ بارزانیێ نەمر ب پشتەڤانیا رێکخراوا GIZ یا ئەلمانی و رێڤەبەریێن ئاڤێ و بۆرھا دەست ب پرۆژەیان کربوو.
