ڕاهێنەرێن یانەیێن دهۆك و زاخۆ هاتنە دەستنیشانكرن
قەیس وەیس:
ب شێوەیەكێ بەرچاڤ و نهێنی یانەیێن پشكدار د خولا ستێرێن ئیراقێ دا لڤینێن بەردەوام دكەن ژبۆ ئینانا ڕاهێنەر و یاریزانان و نووكرنا هندەك ژ وانان پێخەمەت بەرهەڤی بۆ وەرزێ نوو یێ خولا ستێرێن ئیراقێ یا فوتبۆلێ 2026-2027 ئەوا بڕیارە هەڤڕكیێن وێ 14ێ تەباخا بهێت دەستپێبكەت.
دهۆكێ گریبەستا ڕاهێنەرەكێ ئیرانی ئیمزاكر
ژێدەرێن رۆژنامەڤانی بەلاڤكرینە كو بڕێیا بریكارێ خوە ڕاهێنەرێ ئیرانی یەحیا گۆلمحەمەدی ل سەر ئۆفەرا یانەیا دهۆك ڕازیبوویە و دێ د چەند رۆژەكێن بهێت دا ڤەگەڕیتە باژێرێ دهۆكێ ژبۆ ئیمزاكرنا گرێبەستێ دگەل یانەیێ پێخەمەت خوە بەرهەڤكرن بۆ وەرزێ نوو یێ خولا ستێرێن ئیراقێ، ئەڤچەندە هات پشتی بەری حەفتییەكێ هاتبوو دهۆكێ لێ ژبەر بابەتێ كۆژمەیێ گرێبەستێ نەگەهشتبوونە چو ڕێكەڤتنان.
یاریزانێن نوو كینە؟
بۆ وەرزێ نوو یێ خولا ستێرێن ئیراقێ دەنگۆیێ ئینانا یاریزانان بەربەلاڤبوویە، لدووڤ ژێدەرێن نێزیك ژ یانەیا شورتە كو ب فەرمی ئەوان دەست ژ یاریزانێ خوە شەریف عەبد كازم بەردایە و بەر ب یانەیا دهۆك چوویە ژبۆ ئیمزاكرنا گرێبەستا وان، ژلایەكێ دووڤە یاریزانێ بەرازیلی ڕایكار سانتۆس یێ 29 سالی ژ ئەنوار یا سعۆدیێ دێ بیتە ئەلهۆیێن چیا، دبەرانبەردا سەعەد ناتق و رەسۆل فازل نەما یاریزانێ تیمێ، دهێتە زانین پێشتر هاتنا پێنچ یاریزانێن نوو بۆ یانەیا دهۆكێ هاتبوو بەلاڤكرن ب تنێ ڕاگەهاندنا فەرمی دێ گریبەستا وان ئێكلاكەت ئەوژی هەر ئێك ژ هیرشبەرێ سوری مەحمۆد ئەلمواس، كوڕێ باژێرێ سێمێلێ و یانەیا شورتە ڕێوان ئەمین، یێ بەرازیلی ئیگۆرد هێنریك و یونس حەمۆد هێرشبەرێ یانەیا ئەلكەرخ، سێ یاریزانێن هەلبژارتیێ ئیراقێ یێ لاوان ئەبدولرزار حەسەن و عەلی ئدریس و عەلی ئەکبەر بڕیارە د رۆژێن بهێت دا ئینانا چەند یاریزانێن دی و نووكرنا چەند یاریزانێن مایی بهێتە بەلاڤكرن.
زاخۆ ژی یا خوە نوو دكەت
د ئێكەم پێنگاڤا خوە دا بۆ وەرزێ نوو كارگێرییا یانەیا زاخۆ ب فەرمی گرێبەست دگەل ڕاهێنەرێ تونسی ماهر كەنزانی ئیمزاكر ژبۆ بڕێڤەبرنا تیما وان بۆ وەرزێ نوو یا خولا ستێرێن ئیراقێ، ڕاهێنەرێ ناڤهاتی پێشتر وەكو ڕاهێنەرێ هەلبژارتیێ تونسێ یێ لاوان بوو ل2006، دووڤدا ل گەل هەرئێك ژ یانەیێن تەرجەكی، سیلیە یا قەتەری و ئوحد یا سعۆدیێ و ئۆلمپیێ تونس بوویە.
كی دێ مینیت و كی دێ هێت
ل دووڤ ژێدەرێن رۆژنامەڤانی كارگێرییا یانەیا زاخۆ حەز هەیە كۆمەكا یاریزانێن وێ بمینت لێ ئەو چاڤەرێ هاتنا ڕاهێنەرێ خوە یێ نوونە كو بڕیارە هەتا سوبەهی بگەهیت ژبۆ گەنگەشێ ل سەر پلان و بەرنامەیێ نوو یێ وەرزێ بهێت، لێ مانا هەر ئێك ژ ئەمجەد عەتوان، شێركۆ كەریم، ئالیۆ ئادەم، عیماد عیسا، حەمید حاجی، ئۆرینیۆ، ئوسامە رەشید، شڤان جەمیل، ئیگێتا دیبۆتی هاتییە پشتراستكرن، د بەرانبەردا چوونا یوسف ئەلرائید، ئاسۆ رۆستم، عەلی كازم، جوزێڤ ماوریسیۆ و حەمید عەلی بوویە مژارەیا جادەیا وەرزشی. هەر وەسا گرێبەستا مورتەدا حەسەن ژ یانەیا دیالا هاتە ئیمزا کرن.
د داخویانیەكێ دا چیا ئەمین سەرۆكێ یانەیا زاخۆ گۆت: ل دەستپێكێ دێ دروستكرنا سیستەمێ كارگێری یێ پێشكەڤتی بۆ یانەیێ و هەكە ڕێڤەبەرییەكا دروست هەبیت دێ ئەنجامێن باش هەبن، ئەم یێن د قووناغەكا نوو دا و بزاڤ بۆ باشترین شێوە بەرهەڤبین، هەروەسان ڤەگەڕاندنا گیانێ وەرزشی بۆ ناڤ پشتەڤانان خالەكا گرنگە ژبۆ پاراستنا ناڤودەنگییا یانەیا زاخۆ و وەفادارییا پشتەڤانان.
هەولێر چاڤەڕێ بەرسڤێ یە
ژلایەكێ دووڤە یانەیا هەولێر چاڤەڕێ بەرسڤا دووماهیێ یا ڕاهێنەرێ خوە یێ پێشتر باسم قاسمی یە ئەوێ دەنگۆیێ چوونا وی بۆ یانەیا زەورا هاتیە بەلاڤكرن، هەرچەندە یانەیا هەولێر بزاڤێن لێگەریانێ بۆ ڕاهێنەرەكی نوو دكەن هەكە باسم لسەر ئۆفەرا وان ڕازی نەبوو ئەوێ داخوازا كۆژمەیەكێ مەزنتر دكەت، لێ ژێدەرێن رۆژنامەڤانی ل بەغدا دیاركرینە كو یانەیا هەولێر ئۆفەرەكا نوو بۆ هنارتییە و چاڤەڕێ بەرسڤا وی نە و دبیت د ڤێ حەفتیێ دا ئەڤ بابەتە ئێكلابیت.
نەورۆز یا بێ دەنگە
ژلایێ خوەڤە یانەیا نەورۆز بێدەنگی هەلبژارتییە پشتی كو هاتییە پشتراستكرن ڕاهێنەرێ وان وەلی كەریم دێ بۆ وەرزێ بهێت ژی بەردەوام بیت، ژلایێ یاریزانان ڤە بتنێ دەنگۆیێ چوونا محەمەد دلاوەر بۆ یانەیەكا بەغدایی هاتیە بەلاڤكرن و دبیت گرێبەستا ئێك ژ یانەیێن شورتە یان زەورا بكەت.
لڤینێن یانەیێن ئیراقی
ژلایەكێ دووڤە یانەیا كارەبا گرێبەستا ڕاهێنەرێ خوە حەسەن ئەحمەد بۆ وەرزەكێ دوو نووكر، هەروەسان گرێبەستا یاریزانێن خوە رۆبێن ئەكۆا، لۆكاس سانتۆس نووكر، دیسان چوونا یانیك زاكێری بۆ یانەیا كەرخ هاتە پشتراستكرن، بۆ زانین ئەڤ هەرسێ یاریزان ئێكەم پێنگاڤا وان دخولا ئیراقێ دا هاتبوونە یانەیا دهۆكێ.
ژلایێ خوەڤە یانەیا جەوییە قارەمانا وەرزێ ئەڤ سالە مانا ڕاهێنەرێ خوە یێ عومان ڕەشید جابر و ئینانا ئەحمەد جاسم بۆ ڕاهێنەرێ گۆلپارێزان بۆ وەرزێ بهێت پشت راستییە، ژلایەكێ دووڤە دانۆستاندنێن هەردو یاریزانێن كوڕێن پارێزگەهێ ئەحمەد سەبری و سیپان سەدیق بەردەوامن.
