ژمارا تيرورستێن ناڤ مووسل ئاشكرا دبيت
ئه‌ڤرۆنیوز، ئه‌یاد به‌رواری
په‌یڤدارێ هه‌ڤپه‌یمانیا نێڤده‌وله‌تی راگه‌هاند، 40% ژ هێزا داعشێ یا هاتیه ژناڤبرن و ئاماژه دا كو ئازادكرنا فه‌لوجه دی یا ب زه‌حمه‌ت بیت و یا مووسل دێ ب زه‌حمه‌تتر بیت.
ستیف وارن په‌یڤدارێ هه‌ڤپه‌یمانیا نێڤده‌وله‌تی یا دژی داعشێ، ئه‌ڤرۆ د كونگره‌كێ رۆژنامه‌ڤانی دا ل ئاڤاهیێ بالیۆزخانا ئه‌مریكی ل به‌غدا گوت” هه‌ڤپه‌یمانیا نێڤده‌وله‌تی 40% ژ شیانێن داعشێ یێن ژناڤبرین و مه ب هزاران چه‌كدارێن وێ یێن كوشتین و كارگه‌ه و كریارێن ب فرۆتنا په‌ترۆلێ یێن داعشێ یێن ژناڤبرین”.
گوت ژی” د شه‌ش مه‌هێن بۆری دا چه‌ندین ده‌ڤه‌ر یێن ژده‌ستێ داعشێ هاتینه ئازادكرن و ئازادكرنا فه‌لوجه دێ ب زه‌حمه‌ت بیت و یا مووسل دێ ب زه‌حمه‌تتر بیت و نوكه 5 هزار چه‌كدارێن داعشێ یێن ل مووسل و ب سه‌دان ژی یێن ل فه‌لوجه”.
خویاكر ژی” ئارمانجا بهێت ئازادكرنا فه‌لوجه و هیت و چیایێ مه‌كحوله”.
