ژنه‌كا 55 سالی هاته كوشتن
ئه‌ڤرۆ نیوز، حه‌مۆ محه‌مه‌د:
به‌رپرسێ په‌یوه‌ندی و راگه‌هاندنێ ل رێڤه‌به‌ریا پۆلیسێن پارێزگه‌ها دهۆكێ بۆ ئه‌ڤرۆ دیار كر، د شه‌ڕێ د ناڤبه‌را دو بنه‌مالان دا ژنه‌كا 55 سالی هاته كوشتن و تاوانبار ژی بۆ جهه‌كێ نه‌دیار ره‌ڤینه.
موقه‌دمێ مافپه‌روه‌ر هێمن سلێمان، به‌رپرسێ په‌یوه‌ندی و راگه‌هاندنێ ل رێڤه‌به‌ریا پۆلیسێن پارێزگه‌ها دهۆكێ خویا كر ل كۆ‌مه‌لگه‌ها رزگاری یا سه‌ر ب قه‌زا سێملێ ڤه شه‌ڕه‌ك د ناڤبه‌را دو بنه‌مالان دا روودا و گۆت: “د وی شه‌ڕی دا ژنه‌كا 55 سالی ب گۆلله‌یان هاته كوشتن”.
موقه‌دمێ مافپه‌روه‌ر گۆتژی: “ڤه‌كۆلین د روودانێ دا ژ لایێ پۆلیسان ڤه ده‌ستپێكریه و ناڤێ چه‌ند تومه‌تباران ژی هاتیه ده‌ستنیشانكرن و دووڤچوون ل دووڤ وان یا به‌رده‌وامه، داكو بهێنه ده‌سته‌سه‌ركرن”.
كه‌سوكارێن وێ ژنێ ژی داخوازێ ژ جهێن په‌یوه‌ندیدار دكه‌ن كو ئه‌و كه‌سێن تاوانكری بهێنه گرتن و سزادان.
ل دووڤ پێزانینان ژی چار كه‌سان ته‌قه كریه و گۆلله ب وێ ژنێ كه‌ڤتینه و ده‌ملده‌ست گیانێ خوه ژ ده‌ست دایه، دیسا ناڤێ وێ ژنێ ژی (پۆرێ عه‌لی)یه.