ژڤانێ تۆمارکرنا سکالایێ ل سەر جڤاتا نەشەرعی یا شنگالێ ھاتە دیارکرن
ئەڤرۆ نیوز، لەزگین جوقی:
سەرۆکێ جڤاتا قەزا شنگال ھۆشداریێ ددەتە جڤاتا نەشەرعی یا ل شنگالێ ھاتیە دانانان و دبێژیت دێ ل رۆژا ٦/١/٢٠١٩ ل دادگەھا فیدرال ل بەغدا سکالایێ ل سەر جڤاتا نە شەرعی یا شنگالێ تۆمارکەین.
وەیس نایف بەدل، سەرۆکێ جڤاتا قەزا شنگال بۆ ئەڤرۆ نیوز دیارکر کو ل قەزا شنگالێ جڤاتەکا نەشەرعی ژ لایی ٢٥ کەسان ڤە ھاتیە دانان ھەکە ئەڤ کەسێن جڤاتا نەشەرعی ل شنگالێ داناین ھەلنەوەشینن وان ژڤان داناینە ل رۆژا ٦/١/٢٠١٩ سکالایی ل سەر وان تۆماربکەن، چونکو سەرپێچی ل سەر دامودەزگەھێن شنگالێ کرینە و ب چو شێوەیەکی ئەو ل سەر رەفتارێن وان کەس و لایەنان بێدەنگ نابن یێن کو جڤاتەکا نەشەرعی ل شنگالێ دروستکری و گۆت: “دووماھی مۆلەت بۆ جڤاتا نەشەرعی ھاتیە دان بھێتە ھەلوەشاندن و کەسێن د ناڤ دا نەمینن”.
زێدەتر گۆت: “ئەم درژدین ل سەر ھەلوەشاندن و نەمانا جڤاتا نەشەرعی یا ل شنگالێ ھاتیە دانان، چونکو نە ل دووڤ قانوونێ و دەستووری ھاتیە دانان و ھەر کەسەکێ ھەتا ٦ ێ ڤێ ھەیڤی د ناڤ جڤاتا نەشەرعی دا بمینت دێ سکالا ل سەر ھێتە تۆمارکرن” .
