ژ ئەندازیاریێ بۆ رێنیشادەرا گەنجان و مینبەرا گەشەپێدانێ
هیڤی كەریم
ئاواز شەوكەت، ئەندازیار و هەلگرا باوەرنامەیا ماستەرێ د بۆارێ بزنس و ئیدارەدانێ دا، نموونەیا ژنەكا بەهرەمەند و ب ئیرادەیا كوردستانێ یە، كو شیانێن خۆ دبۆارێ ئەندازیاری، ب رێڤەبرنا پرۆژەیان و گەشەپێدانا كەسایەتیێ دا سەلماندیە، چیرۆكا وێ وەكو راهێنەر د ژیێ (24) سالیێ دا دەستپێكریە، ئێكەمین جار كو چوویە سەر ستەیجا راهێنانێ مەزنترین ئاستەنگ د ژیانا وێ دا دروست بوو، ژبەركو بابێ وێ ئێك ژ پشكدارێن خولێ بوو، بەلێ سەركەفت ل سەر وێ ترسێ و ل ڤێرە رێكا سەركەفتنێ دەستپێكر.
ئاوازێ بۆ رۆژنامەیا ئەڤرۆ گۆت: دەمێ من ترسا رۆژا ئێكێ شكاندی، من زانی كو رێكا من یا بەردەوامە و چو ئائاستەنگ من ناوەرستینن و ئەڤە زێدەتر ژ (15) سالانە دبۆارێن جودا دا وەكو رێكخراوێن نێڤدەولەتی كاردكەم و من راهێنان ب هژمارەكا زۆرا مرۆڤان كریە، كو ئاستێ پشكدارێن وان ژ رێڤەبەرێن گشتی و ئەفسەر و پلەدار و گەنجان و داخوازكەرێن گەشەپێدانێ بوون و ئەزموونا من نە بەس ل هەرێما كوردستانێ بتنێ بوو، بەلكو ل گەل پارێزگەهێن ئیراقێ ژی بوو، ژوانا ل (بەغدا و بەسرا) ژی بوو، هەروەسا ل (ئوردن و توركیا) ژی من كارێ راهێنەریێ كریە و ئارمانجا من یا سەرەكی د ژیانێ دا ئەوە كو ببمە (Mentor) رێنیشاندەر بۆ گەنجان و بلندكرنا ئاستێ ژیانا وان.
