ژ پشتەڤانیکرنا کلچدار ئۆغلۆی پەشیمانین
کەمال کچلدار ئۆغلۆ سەرۆکێ پارتا کۆماریا گەل یا تورکیا بەری چەند رۆژان بۆ دەزگەهێن راگەهاندنا تورکیا دیار کربوو بریارا وان یا بەری چەند سالان سەبارەت ب دەمیرتاشی د جهێ خوە دا بوویە و ئەو ژ بریارا خوە پەشیمان نینە.
ل هەمبەر داخویانیا کلچدار ئۆغلۆیی سڕی ساکیک ئەندامێ پەرلەمانێ تورکیا سەر ب فراکسیۆنا دەم پارتی دیار کر، مە بەری نها ژی دزانی کا کلچدار ئۆغلۆ کیە و خزمەتا کێ دکەت و گۆت: (من بەری چەند سالان گەلەک تشتێن وی ئاشکرا کرن، گەلەک جاران ئێرشی من هاتە کرن، ئەم نها گەلەک پەشیمانین کو د دەمێ خوە دا مە ژ بۆ هەلبژارتنێن سەرۆک کۆماریێ پشتەڤانیا کەمال کلچدار ئۆغلۆیی کربوو).
ناڤهاتی ئەو یەک ژی دیار کر، کەمال کلچدار ئۆغلۆ ب ڤان هەلوەستێ خوە تنێ خزمەتا دەستهەلاتێ دکەت و مخابن بوویە سەرۆکێ پارتەکا مەزن یا ئۆپۆزسیۆنێ و شێوەیێ ڤەگەرا وی بۆ سەرۆکاتیا پارتا کۆماری ژی جهێ گۆمانێ یە.
