گرنگیێ ب وێنەیێن دانعەمران ددەم
بێوار حەمدی
وێنەگر (ئامەد عیماد) كو ب ئامەد زووم یێ بەرنیاسە، د دیدارەكێ دا بۆ رۆژنامەیا ئەڤرۆ گۆت: ئەڤە حەفت سالن ئەز وەكو وێنەگر كاردكەم و ل دەمێ بۆری من ل هژمارەكا كەنالان كاركریە، لێ نوكە بەس كارێ سەربەخۆ دكەم و گەلەكێ خۆشحالم كو ئێك خەونێن من بجه هاتی، كو ئەو ژی وێنەگری بوو.
هەروەسا گۆت: ئێك ژوان كارێن من گەلەك گرنگی پێ دای گرتنا وێنەیێن كەسێن دانعەمرە و ئەز ل دەف خۆ ئەرشیف دكەم، چنكو رۆژەكێ ئەڤ كەسە دێ ژناڤ مە باركەن و نامینە دژیانێ دا و ئەڤ دانعەمرە ڕەوشا باژێرێ مەنە، كەسێن دبنە وێنەگر ژی دڤێت د شارەزابن د هەلگرتنا كامیرێ و دگرتنا وێنەیان دا، هەروەسا بەردەوام داهێنانێ دكارێ خۆ دا بكەن، بۆ زانین نیڤەكا جوانیا ڤیدیۆیێ دەنگە، لێ مخابن ئەز دبینم هندەك وێنەگر گرنگیێ ب دەنگی نادەن و بڤی ڕەنگی دێ ڤیدیۆیەكا ب كێماسی هێتە نیشادان، ژبەر وێ چەندێ پێدڤیە وێنەگر یێ هشیاربیت د لەرزینا كامیرێ دا.
