گرۆپێ (با. مۆزیك) دو كۆنسێرت ل وەلاتێ رۆسیا یێ گێڕان
شاكر ئەتروشی:
هونەرمەندێ مۆزیكژەن (بێكەس نوری عەبدال) ژەنیارێ ئامیرێ قانونێ و سەرپەرشتێ گڕۆپێ (با. مۆزیك) كو ل سالا 2011 ل پارێزگەها دهۆكێ دەستبكاربووینە ، د دیدارەكێ دا بۆ رۆژناما ئەڤرۆ گۆت: پشتی چەند گڕۆپان پێشكێشی كۆنسەرڤاتوارا چایكۆڤسكی كری ئەم (با. مۆزیك) گڕۆپ، شیاین ڕەزامەندییا لیژنا بلند یا كۆنسەرڤاتۆاڕا چایكۆڤسكی ب دەست بینین و بهێینە داخوازكرن ژبۆ وەلاتێ رۆسیا فیدارال، هەلبەت ل سالێن هەشتێیان ل چەرخێ بیستێ هونەرمەندێ مۆزیكژەن (منیر بەشیر) شیایە رەزامەندیێ ب وەربگریت و هەتا ئەڤرۆ كەس نەشیایە ل وەلاتی عیراقێ بگشتی رەزامەندیێ ب دەستبێخیت و ئێكەمین گڕۆپێ كوردی یە شیای رەزامەندییا چایكۆڤسكی ب دەستبێخیت، گڕۆپێ (با. مۆزیك) ل 25 ئادارا 2024 ل سەر داخوازییا كۆنسەرڤاتوارا چایكۆڤسكێ چەندین چالاكیێن هونەری و دو كۆنسێڕت ئەنجامدان ل باژێڕێ یارۆسلاڤل ل هۆلا فیلهارمونیا یارۆسلاڤل ل 31 ئادارێ كۆ ب هەیەجانەكا زۆر پێشوازی ل گڕۆپی هاتە كرن و فیلهارمۆنیا یارۆسلاڤل هاتنە خەلاتكرن ب دیاریا پارێزگەها دهۆك بەڕێز عەلی تەتەر ژلایێ منڤە پێشكێشی وان كرن دیسان تەمبۆرا كوردی یا ئێزدی ب دیاری پێشكێشكر ئەوژی دیاریا لالشا نورانی بوو بو فیلهارمونیا یارۆسلاڤل هەر دیسان هاتنە ڕێز لێئنان ژلایێ گڕۆپێ با ڤە، دیسان كۆنسێرتا دووەمین ل موسكۆ ل هۆلا رەحمانینۆڤ كۆ پێشوازیەكا مەزن ل گڕۆپی هاتەكرن و كۆنسەرڤاتوارا چایكۆڤسكی هاتە خەلاتكرن ژلایێ دانەر مستەفا نوونەرێ حكومەتێ ل رۆسیا و بێكەس نوری عەبدال ڤە ب تەمبۆر و ڕێزلێئینانێن با مۆزیك و دیاریا پارێزگەها دهۆك، و نوونەرێ حكومەتێ ژی ژلایێ بێكەس نوری عەبدال ڤە هاتە خەلاتكرن.
هەروەسا گۆت: ئەڤ چالاكییە ب ڕێیا نوونەراتییا هەرێما كوردستانێ بەڕێز د. دانەر مستەفا هاتیوو رێكخستن، سوپاسییەكا تایبەت بۆ بەڕێز د. عەلی تەتەر پارێزگەرێ دهۆك بۆ پالپشتییا وی، هەر دیسان بەڕێز مامۆسا ئەمیر عەلی ڕێڤەبەرێ گشتی یێ ڕۆشەنبیری و هونەری، بۆ زانین گرۆپێ مە ژ یازدە ئەندامان پێك دهێت و ئەڤە چەندین سالن خۆبەخشانە ژبۆ بزاڤ و مۆزیكا رەسەنا كورد و كوردستانی خزمەتێ دكەن، ئەڤ چالاكییە سێزدە سترانێن كورد و كوردستانی یێن رەسەن بوون ب ئامیرێن مۆزیكا كوردی ئەڤ گڕۆپە ژلایێ كۆنسەرڤاتوارا چیكۆڤسكی ڤە هاتنە خەلاتكرن، ژ سێ كچ و هەشت كوڕان پێك دهێت،
