گـرنگترين گـوهۆڕينێن زنجيرا گالاكـسى ئێس هـاتنه ئاشكـهرا كـرن
هەردو مۆبایلێن چاڤەڕێکری یێن سامسونگ “گالاکسی ئێس 27 پرۆ” و “گالاکسی ئێس 27 ئۆلترا” ل چینێ بڕوانامەیا پەسەندکرنێ یا رێکخستنێ وەرگرتن، چاڤەڕێی دهێته كرن ل دهستپێكا سالا بهێت بگەهنە بازاران.
هوورکاریێن باوهنامەیا پەسەندکرنێ زانیاريان ل دۆر پاتریێ ئاشکەرا دکەن کو حهزژێكهرێن مۆبایلێن گالاکسی یێن پێشەنگ ب گەرمی چاڤەڕێی دکهن؛ چونکی دێ هەردو مۆبایل ب پاترییەکا گەلەک مەزنتر بن ژ مۆدێلێن نها، هەرچەندە لهزاتیا بارکرنا پاتریێ دێ وەک خۆ مینیت بێی گوهۆڕین.
دەزگەها پەسەندکرنا چینێ 3C ئاماژە ب وێ چەندێ دکەت کو مۆبایلا گالاکسی ئێس 27 ئۆلترا ب پاترییهکا ب قەبارێ 5534 میلی ئەمپێر دهێت، ب گۆرەی راپۆرتەکا مالپەرێ “جی ئێس ئێم ئارێنا” یێ تایبەتمەند ب نووچەیێن مۆبایلێن زیرەک، ئەوا “رۆژنامهيا ئهڤرۆ” ژێ ئاگەهدار بووی.
وەکی کو کۆمپانیایێن چێکرنێ ب گشتی قەبارەیێ پاتریێ نێزیکی هژمارەکا بلندتر دکەن، دڤێت سامسونگ رابگەهینیت کو قەبارەیێ پاتریێ دناڤبەرا 5600 و 5700 میلی ئەمپێر دا بیت بۆ مۆبایلا ئۆلترا یا بهێت.
ئەڤ چەندە دێ ئێس 27 ئۆلترا ب رێژەیا 10% پێش ئێس 26 ئۆلترا یا نها ئێخیت. ئەڤە مەزنترین زێدەبوونە د قەبارەیێ پاتریێ دا دناڤبەرا دو نفشێن ل دووڤ ئێك یێن مۆبایلا سامسونگ یا پێشەنگ دا کو چەندین سالە نەهاتیە دیتن. کۆمپانیایێ قەبارەیێ 5000 میلی ئەمپێر پاراستیە د مۆدێلێن ئۆلترا دا د ماوێ شەش سالێن بوری دا.
ل دۆر مۆبایلا گالاکسی ئێس 27 پرۆ، بڕوانامەیا پەسەندکرنێ وەرگرتیە بۆ پاترییەکا ب قەبارێ 5087 میلی ئەمپێر. دڤێت سامسونگ ڤی قەبارەی نێزیکی 5100 یان 5200 میلی ئەمپێرا بکەت. ژبلی وێ چەندێ کو کۆمپانى دێ وێ چەندێ بکارئینیت بۆ ساخکرنێ، دڤێت ئێس 27 پرۆ یا بهێت ژ ئۆلترا یا سالا بۆری باشتر بیت هەرچەندە قەبارەیێ وێ بچووکترە.
هەمان باوهرانامەیێن پەسەندکرنێ پشتراست دکەن کو هەردو مۆبایل دێ بەردەوام بن ل سەر پشتەڤانیکرنا بارکرنا ب وایەری ب شیانێن 60 وات، کو هەمان شیانن یێن د گالاکسی ئێس 26 ئۆلترا یا نها دا هەيين. لێ، ئەڤ چەندە هێشتا گوهۆڕینەکا گرنگە بۆ سامسونگێ.
ب لبەرچاڤگرتنا وێ چەندێ کو ئێس 26 ئۆلترا ب ساناهی شەش بۆ حەفت دەمژمێران ژ کارکرنا شاشێ دابین دکەت ب بکارئینانا تێکەل، و پتر ژ وێ ب بکارئینانا کێمتر، دڤێت ئێس 27 ئۆلترا ڤێ هژمارێ ب رێژەیا 10% باشتر بکەت.
هێشتا چ پێزانين ژ ڤان پێزانينان د فەرمی نینن، چونکی سامسونگێ هێشتا تایبەتمەندیێن دووماهيێ پشتراست نەکریە، لێ هژمارەیێن بڕوانامەیێن پەسەندکرنێ یێن ڤی رەنگی کێم جار دهێنە گوهۆڕین بەری دەستپێکرنا فرۆتنێ.
