گۆران و ئێكه‌تى و ئێكگرتوو و كۆمه‌ل به‌یاننامه‌كێ بۆ رایا گشتى به‌لاڤ دكه‌ن
ئه‌ڤرۆ نیوز،زنار تۆڤى:
هه‌ر چار فراكسیونێن گۆران و ئێكه‌تى و ئێكگرتوو و كۆمه‌ڵ ل سه‌ر ده‌نگۆیێ كێمكرنا كورسیێن پێكهاته‌یان به‌یاننامه‌كێ به‌لاڤدكه‌ن، تێدا دیاردكه‌ن، كو به‌حس ل كێمكرنا كورسیێن پێكهاته‌یان دكه‌ن، دلنیایێ دده‌ین نه نوكه و نه داهاتى هه‌ولێن ب ڤى ره‌نگى نه‌بووینه و نابن ژى.
ده‌قێ به‌یاننامێ: به‌یاننامه‌ك بۆ رایا گشتى
ئاخا كوردستانێ ئاخا پێكڤه ژیانا ئاشتیێ و پارێزه‌را مافێ هه‌مى نه‌ته‌وه و ئایین و پێكهاتانه،ڤى مافى د یاسایێ و دامه‌زراوه‌یان دا ره‌نگڤه‌دان هه‌یه و پێدڤیه ل سه‌ر مه‌هه‌میان پتر گه‌شه‌كرنێ پێ بده‌ین،دڤى چارچوڤه‌ى دا ئه‌م دێ به‌رگریكاریا وى مافى بین ژلایه‌كێ ڤه كو د پرۆژێ ده‌ستوورێ هه‌رێمێ دا كو دقۆناغا ئاماده‌كرنێ دایه،ژلایه‌كێ دیڤه د په‌رله‌مانێ كوردستانێ دا وه‌ك بلندترین دامه‌زراوه‌یا نیشتیمانیه بۆ بریاردان و یاسادانانێ كو ئه‌ركێ رێكخستن و پاراستنا وان مافان دستوویێ وان دایه،له‌ورا ئه‌م ل په‌رله‌مانێ كوردستانێ هه‌مى وان ده‌نگۆیان ره‌تدكه‌ین،كو به‌حسێ كێمكرنا كورسیێن پێكهاته‌یان دكه‌ن،وه دلنیا دكه‌ین نه نوكه و نه د ئاینده‌ى دا هه‌ولێن ب ڤى ره‌نگى نه‌بووینه و نابن،به‌لێ به‌رۆڤاژى ئه‌م نوكه پشته‌ڤانیا خواست و داخوازیێن راسته‌قینه‌یێن خودان پێكهاته‌یان دكه‌ین،كو پێكهاتیه ژ رێكخستنا نوونه‌راتیا راسته‌قینه‌یا پێكهاته‌یان و رێگریكرن ژ دروستكرنا نوونه‌رایه‌تى سیبه‌ر و پارێزگاریا وان ل به‌شداربوون د ململانێن سیاسى دا بۆ به‌رژه‌وه‌ندا لایه‌نێن دیتر. بۆیه دووباره وێراى ره‌تكرنا ڤى ده‌نگۆى،پشته‌ڤانیا خوه ده‌ردبرین و بۆ داخوازیا راسته‌قینه‌یا پێكهاته‌یان ب مه‌به‌ستا سه‌ركه‌فتن و ده‌رچوونا نوونه‌رێ راسته‌قینه‌یێ وان دهه‌لبژارتنان دا،بۆ وێ چه‌ندێ د وى ئه‌نجوومه‌نێ هه‌لبژارتنان دا به‌رگریكارێ مافێ راسته‌قینه‌یێ پێكهاته‌یان بن،ئه‌ڤه‌ژى ده‌ستپێكێ خزمه‌ته بۆ بۆ وان بخوه و ل دووڤ دا خزمه‌ته بۆ پرۆسا دیموكراسیێ و پێكڤه ژیانا ئاشتیێ ل كوردستانێ.
فراكسیونا ئێكه‌تى نیشتیمانى كوردستان
فراكسیونى گۆران
فراكسیونى ئێكگرتوو
فراكسیونى كومه‌ل.
