یاریزانێن دهۆکێ بەرهەڤیان بۆ ڤاڤارتنێن هەلبژارتیێ ئێراقێ دکەن
فدراسیونا تێنسا مێزی یا ئیراقێ دێ ڤاڤارتنان بۆ دەستنیشانکرنا پیێکهاتیێن خوە یێن هەلبژارتیێ ئیراقێ دانیت ل سەر ئاستێ جوا یێن کوڕ و کچ، و چار یاریزانێن دهۆکێ دێ پشکداربن.
لدۆر ڤێ یەکێ عەلی موستەفا ئەندامێ فدراسیۆنی بۆ رۆژنامەیا ئەڤرۆ دیارکر: هەڤرکی دێ دو هەتا حەفتێ تەموزا بهێت ل بەغدایا پایتەختێ ئیراقێ دەستپێکەت ئەوا دێ ل هۆلا نەجلا عیماد یا تایبەت ب تێنسا مێزی ڤە و سەر چەندین رۆژان هاتینە پارڤەکرن، رۆژا ئێکێ بۆ ژیێن یازدە هەتا پازدە سالی، رۆژا دویێ ژیێن هەڤدە و نوزدە بۆ کورا و هەڤدە سالی یێن کچان، رۆژا سێیێ دێ هەڤڕکی بەردەوامی پێ هێیتەدان، هەروەسا هەڤڕکیا ڤاڤارتنێن تازەپێگەهشتیان و کچان دژیێ نۆزدەسالی و پێشەنگان دا بۆ ژڤانەکێ دی هاتینە پاشئخستن.
ناڤهاتی گۆت ژی: پارێزگەها دهۆکێ دێ ب چار یاریزانان پشکداریێ کەت، هەروەسا دهێتە پێشبینیکرن یاریزان زێدەبن ژی ئانکۆ ئەو ناڤێن هاتینە بەلاڤکرن دەستپێکێ یە و یا دووماهیێ هێشتا بەلاڤ نەبوویە، ب هیڤی نە یاریزانێن دهۆکێ بشێن جهێ خوە دناڤ پێکهاتیێ ئیراقێ دا بکەن.
