یاریزانەكێ پارێزگەهێ دگەل ئۆلمپیێ ئیراقێ پشكدارە
ئەڤرۆ
یاریزانێ رەڤەندا كورد و پارێزگەها دهۆكێ ل سویدێ یوسف ئەلئیمام دناڤ هەلبژارتیێ ئۆلمپیێ ئیراقێ یێ تەپا پێی دا یە ئەوا نوكە پشكداری د قارەمانیا دوحە یا نێڤدەولەتی دكەن و هەڤڕكیێن وێ ل وەلاتێ قەتەر دهێنە كرن.
یوسف ئەلئیمام ژ خێزانا دەیكۆبابێن پارێزگەها دهۆكێ نە و ژیێ وی 18 سالە و یاریزانێ یانەیا مالمۆ یا سویدی یە ل هێلا بەرەڤانیێ یاریێ دكەت، ل وەرزێ بۆری ژی ژلایێ راهێنەرێ هەلبژارتیێ ئیراقێ عیماد محەمەد هاتبوو داخواز كرن.
هەلبژارتیێ ئۆلمپیێ ئیراقێ ب راهێنەراتیا رازی شنێشل داخواز ژ یوسف ئەلئیمام كربوو دگەل هەلبژارتیێ ئیراقێ ل وەلاتێ قەتەر بەرهەڤبیت بۆ پشكداریێ د قارەمانیا دەوحە یا نێڤدەولەتی دا ئەوا دەه هەلبژاتی پشكداری كرینە، ئیراقێ دو یاری دگەل فێتنام و كوریا باكۆر ئەنجامداینە ئەوا هەڤڕكیێن وان بشێوەیێ سێ گەڕ دهێنە كرن كو هەر هەلبژارتیەك سێ یاریان كەت.