وه‌لاتيه‌ك ب گۆله‌يان هاته كوشتن
ئه‌ڤرۆ نيوز، عه‌زيز هه‌ورامى:
پۆليسێن ده‌ڤه‌را راپه‌رين راگه‌هاند كو ئه‌ڤرۆ كه‌سه‌ك ل به‌ر دوكانا خوه كوشتى هاتيه ديتن.
پۆليسێن راپه‌رين ئاشكه‌را كر كو ئه‌ڤرۆ سپێدێ ئه‌و ل سه‌ر روودانه‌كا نه‌خوازيار هاتينه ئاگه‌هداركرن كو كه‌سه‌ك ل به‌ر دوكانا خوه ب كوشتى هاتيه ديتن.
پۆليسێن راپه‌رين د به‌ياننامه‌كێ دا كو دانه‌ك بۆ ئه‌ڤرۆ نيوز ره‌وانه كريه ئاشكه‌را كريه كو ئه‌ڤرۆ ته‌رمێ وه‌لاتيه‌كێ 25 سالى د ناڤ دوكانا وى دا هاتيه ديتن و پۆليسان ژى بۆ نوشداريا داد ل سلێمانيێ ره‌وانه كريه دا كو بزانن كا وى ب خوه كوشتيه، يان ژى ب ده‌ستێن كه‌سه‌كى هاتيه كوشتن.
د ڤێ به‌ياننامێ دا خويا ژى كريه كو ل جهێ روودانێ ده‌بانجه‌ك ژى هاتيه ديتن و ڤه‌كۆلين دێ ده‌سپێكه‌ن دا كو ئه‌گه‌رێن دروست يێن روودانێ بهێنه زانين.
