ل كومه‌لگه‌ها سیریێ خونیشاندانه‌ك هاته ئه‌نجام دان
شێلادزێ ، ئێقبال عومه‌ر:
ل كومه‌لگه‌ها سیریێ یا سه‌ر ب ناحیا شێلادزێ ڤه ئه‌ڤرو به‌شه‌ك ژ وه‌لاتیێن ڤێ كومه‌لگه‌هێ خوه‌نیشاندانه‌ك ئه‌نجام دا دژى برینا هێلا كاره‌با نیشتیمانى.
كه‌مال ره‌شید وه‌لاتیه‌ك دناڤا خوه نیشاندانان دا و خه‌لكێ سیریێ یه بو ئه‌ڤرو نیوز دا دیاركرن , كو كاره‌با وان ژ سه‌ر هێلا بالندا و پروژێ ئاڤێ هاتیه قوتكرن كو ده‌مێ وێ كێم بویه و گوت: ئه‌م داخوازێ ژ رێڤه‌به‌ریا كاره‌با ناحیا شێلادزێ دكه‌ین كو كاره‌با مه هه‌ر بهێلن ل سه‌ر تورا بالندا و پروژێ ئاڤێ یێ سیریێ ژبه‌ركو مه موالیده نینه و دشیانێت مه‌دا نینه ئه‌م 15 هزار دولارا بده‌ینه ب موالیده و هه‌روه‌سا مه دڤێت وه‌ك هه‌ڤى دناڤ كومه‌لگه‌ها مه‌دا هه‌بیت, چونكو كاره‌با ناحیا شێلادزێ یا بو بالندا یا سه‌ر ب ده‌ڤه‌را ناحیا بلێ دچیت كاره‌با وان پێنج ده‌مژمێرا پتره ژ كاره‌با بومه دهێت ئه‌ڤجا ئه‌م رازى نابین كاره‌با مه ل سه‌ر وێ تورێ بهیته ڤه‌گوهاستن بو سه‌ر توره‌كا دى.
ژلایێ خوه‌ڤه منیر شه‌مدین ریڤه‌به‌رێ كاره‌با ناحیا شێلادزێ دا دیاركرن , كومه‌لگه‌ها سیریێ جاران ئێك فیده‌ر یێ كاره‌بێ هه‌بى لێ نهو بوینه دو فیده‌ر ئانكو دوبه‌ش ئێك یێ تایبه‌ته ب پروژێ ئاڤێ ڤه یێ دووێ ژى بو كومه‌لگه‌هێ دچیت , و گوت: ئه‌ڤجا مه كاره‌با تاخێ سیریا كه‌ڤن ڤه‌گوهاسته سه‌ر فیده‌رێ كومه‌لگه‌هێ ژبه‌ركو زێده بارگرانى ل سه‌ر هه‌بى, به‌لێ خه‌لكێ ڤى تاخى نه‌رازیبونا خوه دیاركر و بونه رێگر بو ڤێ یه‌كێ.
زیده‌رتر گوت: نه‌رازیبونا وان ژبه‌ر زێده‌بونا وه‌ختێ كاره‌بێ یه چونكو وى خه‌تێ كاره‌بێ یێ بو پروژێ ئاڤێ دچیت پێنج ده‌مژمیرا ژ كاره‌با دێ یا بو كومه‌لگه‌ها سیریێ دچیت زێده‌تره, و هه‌روه‌سا خه‌لكى گازندا وێ یه‌كێ ژى هه‌بو دگوتن بوچى كاره‌با ناحیا شێلادزێ بو ده‌ڤه‌را بالندا دچیت یا سه‌ر ب ناحیا بلێ ڤه و پێنج ده‌مژمێرا زێده‌تر كاره‌بێ دده‌نه وانا , له‌وما ئه‌م ژى نه‌چار بین مه وه‌كو جارا زڤرانده سه‌ر خه‌تا پروژێ ئاڤێ .
