نڤیسهرهك .. دێ كهڤیته سهر جاددهیان !
- بهیار باڤى –
ژبهرى چهند رۆژهكا نڤیسهرهكێ ناڤدارێ ههرێمامه یا كوردستانێ كو پتره ژ چل ساڵان كارێ نڤێسینێ و رۆژنامهگهریێ و ریپورتاژ و كارێن هونهرى و دیكومهنتارى دكهت وخودان ئهرشیفهكێ مهزنه ژ وێنه و بابهتێن جۆراو ئهدهبى هونهرى روژنامهگهرى …
ئهڤى نڤیسهرى ل مالپهرێ خۆ یێ فیسبوكێ وهك بانگهوازهكێ بۆ ههڤال و دۆستا نڤێسیبو (ههلبهت وهكو ئهو دبێژت بانگهواز نهبۆ دهستههڵاتێ یه),
دئهڤێ نڤێسینا خۆدا ب شێوهیهك كورت زهڵال ئاماژێ ب رهوشا ئهو تێدا دكهت كو رهنگه دهربڕین بیت ژ رهوشا تراژیدى یا گهلهك كهسێن نڤیسهر وهونهرمهند و داهێنهرێن ئهڤى وهڵاتى ل رۆژگارێ ئهڤرو ..
پوختهیا نڤیسینێ بئهڤى رهنگى بهحسێ رهوشا ژیانا خۆ یا نوكه دكهت ودبێژیت : ( ئهڤه پشتى ژیێ من دهربازى شیست سالیێ بۆى ,و پشتى پتر ژ چل سالێن نڤیسهریێ و بابهتێن هونهرى و رۆژنامهڤانى و پاراستنا ئهرشیفهكێ مهزن .. من كرێ یا ئاڤاهى نینه بدهم وخودانێ ئاڤاهى ژى دهێت سهرگوهێت من و رهنگه دوماهى رۆژین ژیانا خۆ لسهر جاددا ببورینم ) !
ههلبهت دناڤ نڤێسینێ دا دبێژیت بتنێ دخوازم حكومهت راتبێ من ب دروستى بدهته من دا بشێم ژ ئهڤێ تهنگاڤیێ دهركهڤم ( وهسا دیاره كو ئهوى بهرێزى مۆچهیهكێ خانهنشینى یێ ههى ) .
براستى پشتى خواندنا ئهڤێ مژارێ ئهز گهلهك نه رهحهت و دلگران بۆم ژبهركو ل بیرامنه ههتا دهستپێكا مه قهلهم ههلگرتى ودهست دایه نڤێسینى ل ناڤهراستا سالێن ههشتیان,ئهوى وى دهمى ئهڤ كهسێ هه ناڤهكێ ناڤدار بو دبوارێ نڤیسهرى و رۆّژنامهڤانیێدا وههتا رۆّژگارێَ ئهڤرو یێ بهردهوامه. كهسێن نڤیسهر و هونهرمهند و داهێنهر ( سهرهرایى بیرو بۆ چۆنێن وان ) ئهو ب گشتى ناسنامهیا مللهتانن, و گهلهك جاران باژێرهك ب رێكا نڤیسهرهكى ههلبهستڤانهكى هاتیه نیاسین , گهلهك جاران هونهرمهندهك بۆیه ئهگهرا ناڤ ودهنگى یا وهڵاتهكى ..ئهڤجا رهوش ب چى ئاوایى بیت, قهیرانا دارایى چهندا مهزن بیت ,بههانه چهند ههبن ..دڤیا رێز ل ئهڤان جۆره كهسان بهێته گرتن .. و ئهركێ حكومهتێ یه ژیانهكا شایسته بۆ ئهوان دابین بكهت ب رهنگهكى كهرامهتا ئهوان بهێته پاراستن ..
تشتێ سهرنج راكێش دئهڤى بابهتى دا ئهو بو ههر ههمو ئهو ههڤالێن ئهڤ
بابهته خواندى ب ههڤسوزیێ و هاوخهمیێ كومینتێن خۆ نڤێسى بون , و من نهدیت كهسهكێ تشتهك ( ملموس ) بۆ كرى كۆ چهندهكێ ئهڤێ رهوشا خراب لسهر سڤك بكهت ,ههتا ئهگهر ب رێكا ناسیارهكێ خۆ ژى بیت !
پشتى چهندین رۆژان بۆ جارا دووێ من پهیوهندى ب ئهڤى ماموستاى كر و ژێ پرسى ئایا ئاریشا وى چارهسهر بو پشتى ئهو بانگهوازه بهڵاڤ كرى, جهێ داخى یه گوت ههر رهوش وهكو جارانه و چو كهسهك دهانا وى نه هاتیه وههر وهك جاران خودان ئاڤاهى دهێت داخوازا كرێ یا خۆ دكهت, و دبێژیت كرێ یا ئهڤان ههیڤێن بورى نهئینێ دێ ته ب مالڤه درئێخم ..
جهێ داخێ یه ههكهر ئهم چاڤێ خۆ ل دیروكا جڤاكێ خۆ بگێرینین دێ بۆ مه ئهو راستیا تهحل دیاربیت كو ئهو كهسێن پتر خزمهتا ئهڤى مللهتى كرین پتر هاتینه ئێشاندن و برهنگهك ههژارى وتراژیدى ژناف مه باركرینه و نموونهیێَن مینا دلدارێ شاعر , جگهرخوین , حهسهن زیرهك , حهسهنێَ جزیرى , محهمهد شێخو , كهراپیتێ خاچو … هتد, دوماهى رۆژێن ژیانا ئهوان یا تراژیدى باشترین شاهد و بهلگهنه بۆ ئهڤێ چهندێ..
تشتێ مهشیاى بكهین دئهڤى بیاڤى دا وهك ئهركهكێ مرۆڤایهتى و ئهدهبى مه پهیوهندى ب كهسانهكێ ههست نازك و ئهدهب و دوست كر كو دگهل ئهڤى نڤیسهرى هاریكار بن , وههلبهت گوت ئهڤ ناڤێ هه یێ بهرنیاسه و
سووز دا كو ب ئهركێ خۆ رابیت ..
و دیساڤه دێ بێژم ئهركێ حكومهتێ یه ب دام و دهزگههێن خۆ یێن پهیوهندیدار ڤه كو خۆَ ل ئهڤێ تهخا جڤاكى یا گرنگ بكهت خودان ..
و كهسێن ههژى ل جهێن ههژى بهێن دانان كو ههست ب ئێش و ئازارێن خهلكێ خۆ بكهن …..
