كه‌ربێت كێ ژكێ ڤه‌دبن
محه‌مه‌د چه‌لكى
بهێرس مامێ عه‌لۆ رۆژنامه دانا سه‌ر مێزێ، بره‌نگه‌ك وه‌سا ئه‌فه‌ندیێ بره‌خڤه، ڤه‌جنقى.
– مامێ عه‌لۆ دیاره نۆچه‌یێ به‌ڵاڤه‌كرنا مۆچه‌یێ خانه‌نشینا تێدا نه‌بوویه، له‌وما ته وه‌سا ژ كه‌رب رۆژنامه پێكدادا!
– ماده‌م ته به‌حسێ كه‌ربێ كر، ئه‌ز دێ بۆ ته ئه‌ڤێ جارێ به‌حسێ هنده‌ك كه‌ربا كه‌م.
– ئانكو راست كه‌ربێت ته یێن ڤه‌بووین و ئه‌ڤێ ره‌وشێ تۆ یێ پندڤاندى!
– ما تشته‌كێ دلخوه‌شكه‌ر لڤى وه‌ڵاتى مایه.
– به‌لێ.
– وه‌كو …..
– به‌حسێ هه‌ى دێ مۆچه ژ به‌غدایێ هێت و فرۆكخانه ژى…
– هههه ته باوه‌ركر!
– ئه‌ز گێنگه‌شا ل سه‌ر كاروبارێن حوكمه‌تى ل گه‌ل ته ناكه‌م!
– مامۆ وه ئه‌فه‌ندیا بۆ خوه بئه‌ڤێ بێده‌نگیێ بره سه‌رى و بلا خانشینێن وه‌كو مه ژ نه‌چاریێ بچنه به‌رده‌رگه‌هێن مزگه‌فتا خازخازۆكیێ بكه‌ن!
– پا ته به‌حسێ كه‌ربێ كر مامێ عه‌لۆ!
– دا بۆ ته بێژم:(
– كه‌ربێت سیاسیا ژ ڕاگه‌هاندنێ..
– یێن حوكمه‌تێ ژ مۆچه‌خۆر و چاڤدێرێن سیاسى ده‌ما به‌حسى گه‌نده‌ل و مۆچه‌خۆرێن بن دیواران دكه‌ن؟ ..
– یێن مامۆستا ژ وه‌زاره‌تا په‌روه‌ردێ..
– یێن كاركه‌را و ته‌خێن جڤاكى ژ سه‌ندیكا..
– یێن شۆفێرێن ته‌كسیا ژ پانزینخانا و نه‌فه‌رێن پت پتى ..
– نڤیسه‌ر ژ ره‌خنه‌گر و ده‌زگه‌هێن خه‌لاتان دده‌نه نڤیسه‌ران ..
– یێن ته‌ماشه‌ى زنجیرێن توركى و فوتبۆلێ دكه‌ن، نه‌خاسمه ئه‌گه‌ر یاریا كلاسیكۆ بیت ل نابه‌ینا یانا به‌رشه‌لۆنه و ریال مه‌درید ژ دائیرا كه‌هره‌بێ و خۆدانێن مووه‌لیدا ..
– یێن دكانداران ژ لیژنا كونترۆلكرنا تشێن ده‌م بسه‌رڤه چووى ..
– پۆلیسێن هاتنوچوونێ ژ كوڕێن به‌رپرسان بتایبه‌ت ئه‌گه‌ر ده‌ستوورناما هاژووتنێ نه‌بیت ..
– په‌رله‌مانته‌رێن هه‌رێما كوردستانێ ژ نێزیكبوونا ده‌مێ هه‌لبژارتنان ..
– خه‌لكێ كوردستانێ ژ كۆمبوونێن پارتیێن كوردستانێ ..
– ئو یێن من ژ هه‌ر كه‌سه‌كێ خوه رۆژه‌كێ جاشاتى كربیت ..
– ئو یێن هه‌وه ..)
18.01.2018
