ژماره 40 دكهلتورێ كوردى دا
- بهیار باڤى –
دكهلتورێ مه یێ جڤاكى یێ كوردهوارى ژمارا 40 جههكێ دیار و بهرچاڤ ههیه ,و گهلهك جاران وهكو چهڤهنگ وهێما ژى دهێته ب كار ئینان یان بهرێ خودان مینا ههژمارا 7 ژى كو ههر ب ئهڤى شێوهى …
ههكهر ئهم بهرێ خۆ بدهین كهلتورێ مهیێ جڤاكى دێ دگهلهك نموونهیان دا تایبهتمهندیا ئهڤێ ژمارێ بۆ مه بهرچاڤ و دیار بیت ودبیاڤ و مهبهستێن جودا هاتیه و دهێته بكار ئینان , مینا ئهڤان نموونهیێن ل خوارێ دیار :
• چلهیێ زڤستانێ : ل دوڤ حهسێبا ( حهسابداران ) دهستپێكا چلێ زڤستانێ ژ رۆژا 25ى كانوینا ئێكێ دهست پێ دكهت ههتا رۆژا 2 ى سۆباتێ , وپشتێ هینگێ دێ سهقا بهر ب گهرمێ و خۆشیێ ڤه چیت , و دئهڤى بیاڤى دا گوتنهكا كوردى ههیه دبێژیت ( چل چله, چل پشتى چلا , مالێت خۆ ببهن سهرێت ههمى ملا ) .
• چلهیێ هاڤینێ : ههر ل دوڤ ئهڤێ حهسێبا ( حهسێبداران ) چلهیێ هاڤێنێ ژ رۆژا 24ى ههیڤا خزیرانێ دهست پێ دكهت ههتا رۆژا 2 ى تهباخێ..وههر بۆ ئهڤێ چهندێ ژى ڤههینوكهكا كوردى هاتیه ڤههوناندن , لێ نه بیاڤێ بابهتێ مهیه ..
• ژنكا چلكدار : دكهلتورێ مه یێ جڤاكى دا هاتیه كو ل ماوێ ئهوان 40 رۆژێن ژبهرى زارۆكبونێ (دهما ژن دو گیان بیت) و ههر وهسا ل ئهوى ماوێ 40 رۆژێن پشتى زارۆكبۆنێ .. ابیت ئهو ژنه ب هندهك كار و سهرهدهریێن دیار كرى رابیت ههكهر نه دێ زیان گههیته ئهوێ و ههر وهسا زارۆكێ وێ ژى , بۆ نموونه ل ئهڤى ماوێ چل رۆژێن ژبهرى زارۆكبونێ ههكهر شاهى یهك هاته گوندى و دبهر مالا ئهوان را دهرباز ببیت پێتڤى یه ئهڤ ژنه بچیته سهر پهیسكێ یان سهربانى داكو ژ ئاستێ بوكێ بلندتر بیت داكو ب سلامهت زارۆكى ببیت ههكهر وه نهكهت دێ زارۆكبونا وێ ب مهترسى بیت یان ژى ل پاشهرۆژێ زارۆكا نابیت !
ههر وهسا بۆ40رۆژێن پشتى زارۆكبونێ ژى پێتڤى بو ئهڤى ژنێ د ئهڤى ماوێ چل رۆژان خۆ ژگهلهك كار و سهرهدهریان دور ئێخستبا داكو ئهو و زارۆكێ وێ ب سلامهت مابان .. و پشتى چل رۆژان ئهڤ گرێ یه ژ نو ڤهدبون و ئهڤ ژنه ڤهدگهرا ژیانا خۆ یا سروشتى..
• چلخانه : دئهفسانهیێن كوردى دا چلخانه جهێ ئاكنجیبونا دێوان بو وئهڤ جهه وهكو شكهفتهك مهزن و ڤهشارتى و نهبهرچاڤ دهاته
پهسنه كرن كو 40 دێو تێدا دژیان و ههلبهت دێو دكهلتورێ كوردى دا ب رهنگێن جودا جودا دهاتن پهسنه كرن ( دێوێ رهش , دێوێ سپى ..) وخودان هێزو كهلواشهكێ مهزن بۆ و گهلهك جاران دابێژن دێوێ كچك رهڤاند ودانا سهر كهفا دهستێ خۆ و بر كره دشكهفتێ ڤه و ب كهڤره بهرهكێَ مهزن دهریێ شكهفتێ لێ دگرت !
• داركا چل ئاواز : دیسان دئهفسانهیێن كوردى دا هندهك جاران ئهڤ داركا چل ئاواز دهێته بهرچاڤ كو ب چهندین زمانان دئاخڤیت .. ئهڤ داركا چل ئاواز دبیته هاریكار و شیرهتكارا قارهمانێ چیرۆكێ دهما ئهڤ كهسه شهپرزه دبیت و بهرهب رێكهكا ئاسێ و ئارمانجهكا نهدیار و مهترسیدار دچیت , ئهڤ داركا چل ئاواز كو دكهڤیه درێكا وى دا شیرهتا لێ دكهت و دبێژتێ ئهڤ چهندین رێك ل بهراهێكا ته ههنه وههر رێكهكێ ژى پهسنێن وێ ئهڤهنه ومهترسیێن وێ ئهڤهنه.
ئهڤه و گهلهك وێنهو هێمایێن دى یێن بكار ئینانا ئهڤێ ژمارا 40 ێ جودا ژ ههژمارێن دى دكهلتورێ مهیێ جڤاكى دا ,كو رهنگه هندهكا ژئهڤان گرێدانهك ب كهلتورێ مللهت و شارستانیێن دى ڤه ههبیت بتایبهت یێن دهورو بهر , ههر وهسا ب ئۆل و ئایینان ڤه وهكو چل رۆژكێن مریان ,یان ژى گرێدان ب ژیێ كهسى ڤه كو دبێژن ل ژیێ
چل سالیێ ب دروستى مرۆڤ پێ دگههیت ژئالیێ هزرى ڤه ….
