شاخه‌وان عه‌بدوللا: كه‌سێ باوه‌رى ب ئاخڤتنێن عه‌بادى نينه
ئه‌ڤرۆنيوز:
جێگرێ سه‌رۆكێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ، شاخه‌وان عه‌بدوللا، راگه‌هاند، ل ده‌مێ بۆرى حه‌يده‌ر عه‌بادى گه‌له‌ك ئاخڤتنين نه‌راست ل گه‌ل مه يێن كرين وباوه‌رى ب ئاخڤتنێن وى نه‌مايه ده‌مێ وان ئاخڤتنان نه‌كه‌ته كريار.
شاخه‌وان عه‌بدوللاى گۆت ژى” پشتى سه‌رۆكێن فراكسيۆنێن كوردستانى ل رۆژا پێنجشه‌مبىا بۆرى كۆمبوونا ئێكێ ل گه‌ل عه‌بادى ئه‌نجامداى، ل ده‌مژمێر 6:30 كۆمبوونا دويێ هاته ئه‌نجامدان، عه‌بادى به‌حسێ وێ چه‌ندێ كر كو هووربينى بۆ هه‌موو وه‌زاره‌تێن هه‌رێمێ دێ هيته كرن”.
شاخه‌وانى زێده‌تر دداخۆيانيه‌كا رۆژنامه‌ڤانيدا گۆت” پشتى هووربينيێ دێ مووچێ هێنه دان، من پاره ل سالا 2017 يێن راكرين دا ب مه‌زێخم، پشتى پرسا فرۆكخانان ب دووماهى بهێت دێ هێنه ڤه‌كرن، ئه‌ڤه هه‌موو ئاخڤتنێن عه‌بادى بوون وژبه‌ركو ل ده‌مێ بۆرى ژى گه‌له‌ك دره‌و يێن ل گه‌ل مه كرين، له‌وما مه چو باوه‌رى ب ئاخڤتنێن وى نه‌مايه هه‌تا وى ده‌مێ ئاخڤتنێن وى دبنه كريار”.
