هۆتێله‌ك سوت و قوربانى يێن هه‌ين
ئه‌ڤرۆنيوز:
ئه‌ڤرۆ دوشه‌مبى 19/2/2018 ئاگر به‌ربوو ئۆتێله‌كا ل باژێرێ سلێمانيێ وچه‌ندين قوربانى ژى يێن هه‌ين.
هۆتێلا ئاگر به‌ربوويێ ناڤێ وێ هۆتێل (نارا) يه كو دكه‌ڤيته جادا بازنه‌يى مه‌ليك مه‌حموود ل سه‌نته‌رێ باژێرێ سلێمانيێ وژئه‌نجامێ وێ روودانێ چه‌ندين كه‌س برينداربووينه.
رێڤه‌به‌رێ به‌رگريا شارستانى ل پارێزگه‌ها سلێمانيێ، عه‌ميد (ديار ئيبراهيم) دداخۆيانيه‌كا رۆژنامه‌ڤانى دا گۆت” ژئه‌گه‌رێ وێ روودانا ئاگربه‌ربوونێ پێنج كه‌س يێن برينداربووين ب سووتنێ وته‌نگه‌نه‌فه‌سيێ وكارمه‌نده‌كێ وه‌زاره‌تا ناڤخوه‌يى ژى برينداربوو”.
ل دۆر ئه‌گه‌رێ ئاگربه‌ربوونێ، گۆت” خودانێ هۆتێلێ بۆمه دياركر كو زارۆيه‌كێ ئاكنجى ل گه‌ل خيزانا خوه ل هۆتێلێ، به‌ته‌نيه‌ك دانايه ب سه‌ر هيته‌رێ كاره‌بێ وئاگه‌ر به‌ربوويه به‌ته‌نيێ ودئه‌نجامدا ئاگر به‌رفره‌هبوويه وبوويه ئه‌گه‌رێ سوتنا هۆتێلێ كو ژ سێ قاتان پێك دهێت”.
