رۆهنكرنه‌ك ل دۆر بێهنڤه‌دانه‌كا فه‌رمانبه‌ران دهێته دان
ئه‌ڤرۆنيوز:
به‌رپرسه‌كێ وه‌زاره‌تا ئه‌وقافێ وكاروبارێن ئايينى ل هه‌رێما كوردستانێ ئاشكرا كر كو بێهنڤه‌دانا رۆژا سوباهى ئێكشه‌مبى ئێكێ نيسانێ تنێ بۆ فه‌رمانبه‌رێن مه‌سيحى بێهنڤه‌دانا فه‌رمى يه.
خالد جه‌مال، رێڤه‌به‌رێ گشتيێ كاروبارێن مه‌سيحى ل وه‌زاره‌تا ئه‌وقافێ وكاروبارێن ئايينى راگه‌هاند”ب بريارا حوكمه‌تا هه‌رێما كوردستانێ، رۆژا ئێكێ نيسانێ ژ هه‌موو ساله‌كێ بۆ فه‌رمانبه‌رێن مه‌سيحى ل هه‌رێما كوردستانێ بێهنڤه‌دانا فه‌رمى يه”.
خالدى دداخۆيانيه‌كا رۆژنامه‌ڤانى دا گۆت ژى” رۆژا ئێكێ نيسانێ كو دبيته رۆژا ئێكشه‌مبى، جه‌ژنا (ئه‌كيتۆ) يه، كو جه‌ژنه‌كا ئاشووريانه وچه‌ندين ساله بۆ هه‌موو فه‌رمانبه‌رێن مه‌سيحى ل داموده‌زگه‌هێن هه‌رێما كوردستانێ كريه بێهنڤه‌دانا فه‌رمى”.
دياركر ژى” رۆژا ئێكێ نيسانێ ده‌واما فه‌رمى وئاسايى يه بۆ هه‌موو فه‌رمانبه‌رێن دى يێننه مه‌سيحى”.