چو مامۆستا ژ بەر خوەنیشادانان نەھاتینە سزادان
ئەڤرۆ:
سەرۆکێ ئێکەتیا مامۆستایێن کوردستانێ رەتکر چو مامۆستایەک ل سەر خوەنیشادانان و بایکۆتا خواندنێ ھاتبیتە سزادان و دبێژیت: ھندەک دەزگەھێن راگەھاندنێ وان جۆرە دەنگوباسان بۆ مەرەمێن سیاسی بەلاڤ دکەن، داکو رەوشێ ئالۆز بکەن.
ھندەک دەزگەھێن راگەھاندنێ، پشتی نەشیاین کارەکی بکەن کو خوەنیشادان و بایکۆتا خواندنێ بەردەوام بیت، ب تایبەت کو حوکمەتێ بەرسڤا داخوازیێن مامۆستایان دا و دووماھی ب بایکۆتکرنێ ھات، چەند رۆژەکە گۆتگۆتکێن وەسا دھێنە بەلاڤکرن کو ل دەڤەرێن جودا جودا یێن ھەرێما کوردستانێ، ب تایبەتی ل ھەردو پارێزگەھێن ھەولێر و دھۆکێ چەندین مامۆستا ژ بەر خوەنیشادانان و بایکۆتێ یێن ھاتینە سزادان.
