گۆڤاره‌كا فه‌ره‌نسى راپرسيێ بۆ سه‌ربخوه‌يا كوردستانێ ئه‌نجام دده‌ت
ئه‌ڤرۆنيوز:
گۆڤاره‌كا ناڤدار يا فه‌ره‌نسى، راپرسيه‌كێ ل سه‌ر مالپه‌رێ فه‌رميێ خوه دانايه وتێدا بژاره‌يا ده‌وله‌تا سه‌ربخوه‌يا كوردستانێ به‌رچاڤكريه وپرسيار ژپشكدارێن راپرسيێ دكه‌ت، ده‌وله‌تا كوردستانێ ب ره‌وا دبينن يان به‌روڤاژى، دئه‌نجامدا هه‌تا نوكه زێده‌تر ژ 91% ژ پشكداران پشته‌ڤانيا خوه بۆ راگه‌هاندنا ده‌وله‌تا سه‌ربخوه‌يا كوردستانێ دياركريه.
گۆڤارا (لو پوانت) يا فه‌ره‌نسى كو ئێكه ژ گۆڤارێن پر خوينه‌رێن فه‌ره‌نسى، دراپرسيه‌كا ئه‌لكترونى دا ل سه‌ر مالپه‌رێ فه‌رميێ خوه، پرسيارا وێ چه‌ندێ ئاراسته‌ى پشگداران كريه كا ” ئايا پێدڤيه كوردان وه‌لاته‌كێ سه‌ربخوه هه‌بيت؟” وهه‌تا نوكه 44 هزار و930 كه‌سان پشكدارى يا دوێ راپرسيێ دا كرى..
هه‌تا نڤيسينا ڤى ده‌نگوباسى، ژسه‌رجه‌مێ وێ هژمارێ، 41 هزار و398 كه‌سان ئانكو رێژه‌يا 92،1% ب به‌لێ ده‌نگ دايه وده‌وله‌تا كوردستانێ ب پێدڤى وره‌وا دزانن، دبه‌رانبه‌ر دا 3532 كه‌سان ئانكو رێژه‌يا 7،9%ب نه‌خێر به‌رسڤ دايه وهه‌بوونا ده‌وله‌ته‌كێ بۆ كوردان ل رۆژهه‌لاتا ناڤه‌راست ب پێدڤى نزانن.
