كه‌سێن خوينێ نه‌به‌خشن دبيت تووشى ڤێ نه‌خوه‌شيا ب مه‌ترسى بن
ئه‌ڤرۆنيوز:
رێڤەبەرێ بەنکا خوینێ ل دھۆکێ دیارکر کو گەلەک کەسێن خوینێ نە بەخشن خوینا وان دگەھتە ٢٠ێ وئەم نەشێین ژێ وەربگرين، ئەو کەس دبەرھەڤن تووشی جەلتێ ببن.
عادل عه‌بدولسه‌لام، رێڤەبەرێ بەنکا خوینێ ل دھۆکێ، دیارکر کو د حالەتێ ١٣,٥ێ دا خوین ژ وەلاتیان دھێتە وەرگرتن و دەمێ خوین زێدەتر بیت و بگەھيتە ١٨ ھەتا ٢٠ بۆ ساخلەمیا مرۆڤی باش نينە ب تایبەتی ژی ئەو کەسێن خوینا وان دگەھيتە ٢٠ێ د بەرھەڤن تووشی جەلتێ ببن، چونکى خوین چەند تير ببیت، ب لەز کارێ خوە د ناڤ له‌شی مرۆڤێ دا ناکەت، ھەر وەکو ئاڤ و زەیتێ دەمێ مرۆڤ ئاڤێ د بۆریەکێ را بەرددەت خوه‌ش دچیت، لێ دەمێ مرۆڤ زەیتێ د وێ بۆریێ دا بەرددەت خوه‌ش ناچیت، خوین ژی یا وەسا یە دەمێ تێر دبیت خۆش ناچیت و ئاریشێن ساخلەمیێ ژی بۆ مرۆڤێ دروست دبن ب تایبەتی ل سەر دلێ مرۆڤی.
عادلى بۆ نوش نيوز گۆت ژى، ئەو کەسێن خوینا وان بکێر نەھێت و ھەول ددەن خوینێ بدەن، ئەم وان کەسان رەوانەی نەخوه‌شخانا ئازادی دكه‌ين، پێدڤیە ل بن چاڤدێریا نۆشدارێ تایبەتمەند خوین ژ وان بھێتە کێشان، ئەو خوین بۆ نەخوه‌شان ناھێتە بکارئینان، بەلکو دھێتە ژناڤبرن ب رێیێن ساخلەم.
ئەو ژی دیارکر کو پێدڤیە خەلک بەردەوام قەستا بەنكا خوینێ بکەن بۆ بەخشینا خوینێ، چونکى رۆژانه ئەم پێدڤی ٨٠ ھەتا ٩٠ بوتلێن خوینێ دبين و ٣٠ ھەتا ٤٠ بوتلێن خوینێ بۆ نەخوه‌شيێن ته‌لاسیمیا دڤێن.
خوياكر ژى، خوین بەخشین دەروونێ مرۆڤی ئارام دکەت، چونکى کەسێ خوینێ ددەت، ھەست دکەت ژیانا کەسەکێ دێ ژ مرنێ رزگارکر وئەڤە خێرەکا مەزنه مرۆڤ بکەت ئێک بوتلی خوینێ ژیانا چار کەسان ژ مرنێ قورتال دکەت
