ل ڤێ حەفتیێ دێ گەشتێن ئەسمانی دناڤبەرا كوردستانێ و ئیرانێ دا دەست پێ کەنەڤە

ئەڤرۆ نیوز ، زنار تۆڤی :

ل ناڤەراستا ڤێ حەفتیێ دێ گەشتێن ئەسمانی دناڤبەرا كوردستانێ و ئیرانێ دەست پێ كەنەڤە و ل دەستپێکێ دێ ژ فرۆكخانا هەولێرێ دەست ب گەشتان کەن.
عەبدوللا ئاكرەیی رێڤەبەرێ گشتی یێ پەیوەندیێن دناڤبەرا هەرێما كوردستانێ و ئیرانێ گوتیە،کو رێككەفتن دناڤبەرا هەرێما كوردستانێ و ئیرانێ دا هاتیە کرن بۆ هندێ کو گەشتێن ئەسمانی یێن دناڤبەرا كوردستانێ و ئیرانێ دا دەست پێ بكەن و نوکە هەموو ئامادەكاری ژ لایێ كۆمپانیا ماهان ڤە هاتینە كرن و بڕیارە ل رۆژا 24 ڤێ هەیڤێ،ئێکەم گەشتا ئەسمانی دناڤبەرا هەردو لایان دا بهێتە ئەنجام دان.
هەروەسا گوتیە،بریارە دەستپێکا گەشتان ب رێیا فرۆكخانا هەولێرێ بیت و پاشی دێ ب رێیا فرۆكخانا سلێمانیێ گەشت هێته ئەنجام دان و دیسا ل هەموو رۆژێن سێشەمبیێ خەلک دێ شێن ب رێیا فڕۆكخانان گەشتێن ئەسمانی بۆ ئیرانێ یان ژ ئیرانێ بۆ هەرێما كوردستانێ ئەنجام دەن.

کۆمێنتا تە