ئهز نه پێدڤى بانگهشێمه … ئهز ڕیفڕاندۆمچیمه.!!
هۆشهنگ باوانى
ڕۆژ ب ڕۆژێ, دهمژمێرێن ههوا ههلبژارتنێ بهر ب دووماهیهاتنێ دچن. ئهڤ ههلبژارتنه چارهمین ههلبژارتنێن ئهنجوومهنێ نیشتمانیێ عیڕاقێنه، پشتى ههڕفینا ڕژێمێ ل ٢٠٠٣ و دووهمین ههلبژارتنن ژى, پشتى خۆڤهكێشانا هێزێن لهشكری یا ئهمریكى ل ساڵا ٢٠١١. جهێ داخێ یه, سهربارى چهندین ئهزموون و سهربۆڕان سهبارهت پڕۆسهیا ههلبژاتنان ل سهر ههردو ئاستێن كوردستانێ و عیڕاقێ, لێ ئهڤێجارێ ژى ((وهكى مهچاڤدێریا شێوازێ ب ڕێڤهچوونا پڕۆپاگنده و بانگهشێ كرى)), ئهم نهتنێ نهشیاین جوداهیهكێ د ناڤبهرا چهمك و ماكینهیا بانگهشه و پڕۆپاگندهێن ههلبژارتنێن عیڕاقێ و كوردستانێدا بكهین بهلكى مه دههوا ئهڤێ ههلبژارتنێدا دهلیڤهێن ڕێكخستن و تهبایێ و ئێكخستنا گۆتارا سیاسى و نهتهوهیى ل ههمبهر پڕانیا ئهرهبان د پهرلهمانێ عیڕاقێدا ب شێوهكێ لاوازتر نیشاندا, نهخاسمه پشتى بۆیهرێن خیانهتكاریا ١٦ ئۆكتۆبهرێ و فڕۆشتنا سنوورهكێ بهرفرههێ كوردستانێ, ههم ژ ئالێ ئاكنجیان و دهنگدهران, ههم ژ ئالێ ئابوورى و سامانێن سروشتیێن تماوتم نهتهوهیى. ههروهسا بۆ ئهگهرێ خۆشكرنا زهمینهیا سهپاندنا دهستههڵاتا تایفى و شیعهگهڕایى ((ب عهڕهبكرنێ)) د ڕێیا چهكدار و میلیشیاێێن دهستووردایى, ل ڤێ دووماهیێ ئهڤ سنووره ژى هاته بهزاند و گههشته ڕادهیێ ڕاگههاندن و بانگهشهكرنێ بۆ لیستێن خوه ل ههرێمێ و یاژ ههمیان شهرمهزارترههبوونا كهسێن كورد د لیستێن واندا. یاش ههمى یا دیمۆكراتیتر ژى ئهوبوو, كو ب ڕێز ((عبادى)) سهرۆكێ لیستا ((النصر)), ب ناڤێ بانگهشێ هاته ههرێمێ و دڤیا ب ڤێ هاتنێ دو چووچكان ب بهرهكێ بهنگێڤیت, ئێك, وهكى سهركردهكێ سهركهفتى یێ شهڕى و سهلماندنا ئێك پارچهیا ئاخا عیڕاقێ و لاوازیا ههرێمێ خۆه بۆ دهزگههێن ڕاگههاندنێ نیشا بدهت, مهرهما دووێ سازكرنا بیاڤهكا دهروونیا گونجایی ل گهل گهلێ كورد و سهركردایهتیا سیاسیا وێ ب تایبهت پشتى بكارئینانا نهدهستووری یا سۆپا و حهشدا شهعبى دژى خهلك و گهلێ كوردستانێ و ڤهشارتنا شكهستا لهشكرێ خوه ل ههردو داستانێن ((پردێ)) و ((سحێلا)) و جهێن دیتر ژى. لێ بهلێ جۆروشێوازێ پێشوازیكرنێ ژ لایێ حوكمهتا ههرێمێ و خهلكى ڤه ئهوا مه ل سوشیال میدیایان دا دیتى نهخاسمه، ل هۆڵا شههید سهعد عبدالله, نه تنێ نهچاركر, بهلكى دهركا وێ ڕاستیێ كر كو ب چو شێوهكێ مافێ وى نینه سهرهدانا پایتهختێ شههیدان و ڕیفڕاندۆمچیان كو دهۆكه بكهت. ئهگهر وى ئهو سهرهدان كربا, ئهڤه ل دووڤ ڕاسپاردهێن دكتۆر یووسفێ گۆڕان پێدڤیه ئهو ژى بهێته دادگههكرن چونكى ل دووڤ كهتوار و نهریتان، هندهك جۆرێن سهرهدانان دبیته دانپێدانان, لهوا بهڕێز ((عهبادى)) ب مهرهما پاڕاستنا ((شعره معاویه)) نههاته دهۆكێ ههرچهنده كاندیدێن لیستا وى مهسڕهفهكا جوانكاریێ بۆسهر شاشهێێن تیڤی و دهزگههێن ڕاگههاندنێ ل خوه كربوون, لێ جهێ داخێ بوو كو ئهگهرێن نههاتنا سهرۆكێ لیستا خوه نهدزانى. ب ڤی ئاوایى پیلان و هزرێن یهكپارچهیا ئاخا عیڕاقێ و پهڕاوێزخستنا حوكمهتا ههرێما كوردستانێ دوچارى شكهستهكا ههتاههتایى هات. دهما نهتهوهێن ئێكگرتى و ئهمریكا و ئهورۆپا ئهنجامێن شاشیا ههڵووێستێن خوه پشتى بۆیهرێن كهركووكێ و ١٦ى ئۆكتۆبهرێ ههست پێكرى, نهچاربوون هزر د ههڤپهیمانییهكا نوو دا بكهن, لهوا بهردهوام پێكۆل و بهرنامهڕێزیێ دكهن داكو كوردستان وهكى ههرێمهكا فیدڕالیا بهێز د ناڤ عیڕاقهكا دهستوورى و فیدڕالدا بچهسپیت. ههر ئهو ئهمریكا و جڤاكێ نێڤدهولهتى زۆرباش دزانن, كوژبلى سهرۆك ((مهسعود بارزانى )) وهكى پارسهنگ و مهرجهعیهت بۆ تهڤایا بزاڤا رزگاریخوازیا كوردستانێ, چ كهس ولایهنێن دى نینن, بكارن سهقامگیریێ بۆ ڕۆژههڵاتا ناڤین بدهستڤهبینن. چونكى ئاشتى و ئارامیا ڕۆژههڵاتا ناڤین یا گرێدایه ب ئێمناهیا ئیسڕائیلێ و چارهسهریا ئێكجارهكى كێشهیا گهلێ كوردستانێ. دا زێدهتر ژ ئارمانجا نڤیسینا بابهتێ خوه دوورنهكهڤم و بزڤڕمهڤه سهربابهتێ بانگهشه و ههوا ههلبژارتنێن كۆنگرێسا عیڕاقێ كو بێگومان حوكمهتێن دهوروبهر و زلهێزێن جیهانێ, نهتنێ چاڤدێریا ڤێ پڕۆسهیێ دكهن بهلكى ههوڵددهن ئهجندایێ خوه جێ بجێ بكهن. لێ سهربارى هندێ ههم زلهێز و هه حوكمهتێن داگیركارێن كوردستانێ گهشتینه وێ ڕاستیێ كودیرۆكا ((پارتى دیمۆكراتى كوردستان)) و ڕێبهرێن دیرۆكیێن وێ ل سهركێمترین مافێن گهلێ كورد نهتنێ سازش نهكریه, بهلكى ئاوارهبوون و زیندان و سێداره و بهرگریكرن ههلبژارتیه نهك ئاڵایێ سپى و خوه بدهستڤهدان. ب دیتنا مه ههر سانتیمهترهكا ئاخا كوردستانێ ((پارتى و بارزانى))، لێ ههبیت ئهو سانتیمهتر كوردستانهكا ئازاد و سهربهخوهیه. پیرۆزترین بهڵگه ژى بۆ ئهڤی بۆچوونێ ئهنجامدانا ڕیفڕاندۆمێ بوو. ههركوردهكێ ((ڕیفراندۆمچى)) بیت، نهپێدڤى بانگهشێ یه.
