شانده‌كێ سه‌درى دێ هێته كوردستانێ
ئه‌ڤرۆنیوز:
سه‌ركرده‌كێ ره‌وتێ سه‌درى راگه‌هاند، دده‌مه‌كێ نێزیك دا شانده‌كێ بلند یێ هه‌ڤپه‌یمانیا سائیرون دێ سه‌ره‌دانا هه‌رێما كوردستانێ كه‌ت.
حاكم زاملى، سه‌ركردێ ره‌وتێ سه‌درى وسه‌رۆكێ لژنا ته‌ناهیێ وبه‌رگریێ ل جڤاتا نوونه‌رێن عیراقێ بۆ مالپه‌رێ (بغداد الیوم) گۆت” شانده‌كێ هه‌ڤپه‌یمانیا سائیرون ل ده‌مه‌كێ نیزیك دێ سه‌ره‌دانا هه‌رێما كوردستانێ كه‌ت بۆ دانوستاندنێ ل گه‌ل قه‌وارێن سیاسى یێن كوردى.
ل دۆر پۆستێ سه‌رۆك وه‌زیران، زاملى گۆت” هه‌ڤپه‌یمانیا سائیرون ب گیانه‌كێ نیشتمانى كاردكه‌ت ومه‌رج نینه پۆستێ سه‌رۆك وه‌زیران بۆ سائیرون بیت وبۆ شیعان بیت، به‌لكو ئه‌ڤ چه‌نده گرێداى دانوستاندنا لایه‌نێن سه‌ركه‌فتیه دهه‌لبژارتنان دا وئه‌و پێكڤه ل گه‌ل مه دشێین ناڤێ سه‌رۆك وه‌زیرێن داهاتى یێ عیراقێ دیار بكه‌ین”.