فرۆکێن هەڤپه‌یمانان 9 هزار سڤیل كوشتینه
ئەڤرۆ نیوز ، زنار تۆڤی :
رێكخراوەکا تایبه‌ت ب مافێن مرۆڤان ڤە د ڕاپۆرتەکا تایبه‌ت دا، چاڤدێریا بۆردومان و هه‌لمه‌تێن سه‌ربازیی یێن هەڤپه‌یمانێن نێڤده‌وله‌تی ل دژی داعشێ ل عێراق و سووریا راگه‌هاندیە و دووپاتیێ ل هندێ دکەت ل سالا 2014 هەتا نوکە هەڤپه‌یمانێن نێڤده‌وله‌تی ل سووریا و عێراقێ نێزیكی نەه هزار خه‌لكێ سڤیل كوشتینه.
د ڕاپۆرتا رێكخراوا ئیرۆرز دا هاتیه، کو هەڤپه‌یمانێن نێڤده‌وله‌تی یێن دژی داعش ل عێراق و سووریا به‌رپرسه ژ كوشتنا سێیه‌كا قوربانیێن مه‌ده‌نی كو ل 2014 پشتی ده‌ست پێکرنا فڕۆكێن هەڤپه‌یمانان بۆ بۆردمان كرنا وان دوو وەلاتێن كه‌فتینە دەستێ داعش.
د به‌شەکێ دیتر یێ وێ ڕاپۆرتێدا هاتیه، چه‌كێ زیره‌ك و گران ژلایێ فڕۆكێن جه‌نگی ب كار هاتیە، لەوما گەلەک قوربانی ژ خه‌ڵكێ مه‌ده‌نی کەفتینە و زیانێن مەزن گەهاندینە ژینگەهێ، هەروەسا مەزترین بۆردومان ژی ل تاخێ جه‌دید ل مووسل ل هەیڤا ئادارا 2017 روودایە کو بوویە ئەگەرێ كوشتنا 105 وەلاتیێن مه‌ده‌نی، پشتی کو فڕۆكه‌یان بۆمبەکا 250 كیلۆگرامی ئاراسته‌ی خه‌لكێ وێ دەڤەرێ كری.
هەروەسا ژ سەرجەمێ دوو هزار قوربانیێن خه‌لكێ مه‌ده‌نی د ماوێ چار هەیڤێن ئێکێ یێ شه‌رێ ڕزگارکرنا مووسلێ هزار و 400 سڤیل ژلایێ فڕۆكێن هەڤپه‌یمانان ڤە هاتینە كوشتن.
هەڤپه‌یمانیا نێڤده‌وله‌تی ل سالا 2014 ب سه‌رپه‌رشتیا ئه‌مریكا هاتیە پێكئینان و پتر ژ 62 وەلاتان ئه‌ندامن تێدا.
