ل ڤێ ده‌ڤه‌رێ پێشمه‌رگه كه‌فته دحاله‌تا ئاماده‌باشيێ دا
ئه‌ڤرۆنيوز:
ل سنورێ ده‌ڤه‌را گه‌رمه‌سێر هێزێن پێشمه‌رگه‌ى كه‌فتنه دحاله‌تا ئاماده‌باشيێ دا، فه‌رماندێن پێشمه‌رگه‌ى، ل دووڤ مالپه‌رێ كوردستان تى ڤى، ل وى سنورى دبێژن، بۆ هه‌رحاله‌ت ورێگرى ل هاتنا چه‌كدارێن داعشێ، هێزێن مه يێن كه‌فتينه دئاماده‌باشيێ دا ژبۆ پاراستنا وه‌لاتيێن مه وده‌ڤه‌رێ ورێ ناده‌ين چه‌كدارێن داعشێ بهێنه دناڤ ئاخا كوردستانێ دا.
ل ده‌مه‌كى هێزێن پێشمه‌رگه‌ى ل وێ ده‌ڤه‌رێ دكه‌ڤنه دحاله‌تا ئاماده‌باشيێ دا، ل چه‌ند رۆژێن بۆرى چه‌كدارێن داعشێ ل گوندێ سمايل وه‌هاب ل ده‌ڤه‌را شێخ باوه‌ى ل ناحيا جه‌له‌ولا هێرش كر وچه‌ند وه‌لاتى كوشتن.
هه‌ر ل دووڤ ده‌نگوباسه‌كێ سومه‌ريه‌نيوز، زێده‌تر ژ هزار چه‌كدارێن داعشێ ل ده‌وروبه‌رێن جه‌له‌ولا ل گوندێن ئيسلاح، نيدا، شێخ باوه، ئه‌وم حنته وده‌ڤه‌رێن مه‌نسووريه ونه‌فتخانه يێن هه‌ين وب شێوێ گرۆپێن 50 كه‌سى ده‌ست ب چالاكيێن خوه ل ده‌ڤه‌رێ كريه.
عه‌قيد (غالب عه‌تيه) په‌يڤدارێ پۆليسێن پارێزگه‌ها ديالا ب سومه‌ريه‌نيوز گۆت” ئه‌و چه‌ندا ل راگه‌هاندنێ هاتيه به‌لاڤكرن سه‌باره‌ت هه‌بوونا هژماره‌كا مه‌زن يا چه‌كدارێن داعشێ ل سنوورێ ناحيا جه‌له‌ولا، زێده‌يى يا تێدا ومه‌ره‌م پێ ئه‌وه ئاكنجيێن وان ده‌ڤه‌ران تووشى ترسێ بكه‌ن وره‌وشا ته‌ناهيێ ل ده‌ڤه‌رێ تێك بده‌ن”.