هشيار زێباری هۆشداریێ دده‌ت
ئه‌ڤرۆنيوز:
ئه‌ندامه‌كێ مه‌كته‌با سياسى يا پارتى ديموكراتى كوردستان هوشداريێ ژ هه‌بوونا بزاڤه‌كا مه‌ترسيدار ژلايێ هنده‌كێن شكه‌ستن خوارى دده‌ت.
هشيار زێبارى، ئه‌ندامێ مه‌كته‌با سياسى يا پارتى ديموكراتى كوردستان دبه‌رپه‌رێ خوه دا ل سه‌ر تۆرا جڤاكى يا فه‌يسبووكێ به‌لاڤكر” پێدڤيه ئه‌و كه‌س ولايه‌نێن بزاڤا به‌لاڤكرنا ئاژاوه‌گيريێ دكه‌ن، بهێنه راوه‌ستاندن”.
زێبارى دياركر” هنده‌ك سياسه‌تمه‌دار وپه‌رله‌مانتارێن دهه‌لبژارتنان دا شكه‌ستن خوارى، بزاڤێ دكه‌ن هه‌لبژارتنێن جڤاتا نوونه‌رێن عيراقێ ب هه‌لوه‌شينن وئه‌نجامان ره‌ت دكه‌ن”.
گۆت ژى” ئه‌و بزاڤێن وان سياسه‌تمه‌دار وپه‌رله‌مانتارێن شكه‌ستن خوارى دمه‌ترسيدارن وئه‌نجامێن كاره‌ساتبارى دێ لێ ده‌ركه‌ڤن ودێ كاريگه‌ريه‌كا خراب ل سه‌ر سه‌قامگيرى وته‌ناهيا عيراقێ هه‌بيت”.