ب وێنە: گورگی ھێرشی سەر زارۆیەکی کر
ئەڤرو نیوز , ئێقبال عومەر:
ل گوندێ لێری یێ سەر ب دەڤەرا بارزان ڤە گورگی ھێرشی سەر زارۆیەکی کریە دناڤا حەوشا مالێ دا.
سابر سەلیم محەمەد ئێک ژ خەلکێ گوندێ لێری یە یا سەر ب دەڤەرا بارزان ڤە و پسمامێ وی زارۆی یە یێ کو گورگی ھێرش کریە سەر بو ئەڤرو نیوز گوت: ل دەمژمێر 10 شەڤێ بوو ل رێکەفتی 26/5/2018 زارۆیێ ب ناڤێ ئاکان رزگار حەجی خەلکێ گوندێ لێری یە و ژیێ وی پێنج سالن و ب تنێ د ناڤا حەوشا مالا خوە دا یاری دکرن لێ ژ نشکەکێ ڤە گورگی خوە ل ڤی زارۆی دا و راکێشا و بر بەلێ ئاکان کرە ھەوار و گازی و گۆت گورگی ئەز خارم ئەز و بابێ وی و ل گەل گوندیا ھەموو د ھەوارێ دەرکەفتین مە بەرێ خوە دایێ کو زارۆیێ یێ د دەڤێ گورگی دا و یێ دبەت.
سابر زێدەتر گۆت: ئەز و بابێ زارۆی و د گەل جیرانێن وی چووین مە زارۆ ژ دەڤێ گورگی ئینادەر پتر ژ 300 مەترا گورگی ئەڤ زارۆیە بربوو، دستێن وی گەلەک بریندار کربوون، پاشان ئێک سەر مە ڤەگوھاست بۆ نەخوشخانا مێرگەسورێ ژ لایێ نوشداران ڤە چارەسەریا ئاکان ھاتەکرن,
ب گۆرەی گۆتنێن خەلکێ گۆندی، ئەڤە ماوەکێ دریژە ئەڤ گورگە فێری ناڤ گوندی بوویە و ژ مروڤان ناترسیت، بەلێ ڤی گورگی ترس و لەرزەکا مەزن خستیە د دلێ زارۆیێن گوندی دا.
