گێمێ دووێ ژ ههلبژارتنان مایه
سالار دۆسكى
12ى گولانێ ههموو خهلكێ عیراقێ چوونه سهر سندۆقێن دهنگدانێ و نوونهرێن خوه ههلبژارتن بۆ جڤاتا نوونهرێن عیراقێ و چهندین قهوارێن سیاسى ههڤركى ل سهر دهستڤه ئینانا كورسیكێن پهرلهمانى كر، لێ پشتى دهركهفتنا ئهنجاما هۆسا نه دهركهفت وهك بهرى نوكه هزر بۆ دهاتهكرن و بهرۆڤاژى سالێن بۆرى حزبا دعوه یا نێزیكى ئیرانێ شكهستنێن مهزن خوارن و رێزا ئێكێ پاشكهفت، لێ رامان نه ئهوه شكهستنا وێ ل ههلبژارتنان یارى ب دووماهى هات و ههڤپهیمانیا سائیرون یا سهركردێ شیعه موقتهدا سهدر سهركێشیا وێ دكهت كو ژ كۆمهكا كهسایهتى و پێكهاتێن عیراقێ پێك دهێت شیا رێزا ئێكێ 54 كوسیان بهێت، حزبا دعوه ههر بهرى ههلبژارتنان ب دو لیستێن جودا دهولهت قانوون سهركێشیا مالكى و لیستا (النصر) ب سهرۆكاتیا حهیدهر عهبادى سهرۆك وهزیرێن عیراقێ هاتنه ناڤ ههلبژارتن و ئهڤێ چهندێ ژى شانسهكێ مهزن بۆ موقتهدا سهدڕ دروست كر كو دهنگێن حزبا دعوه یا نێزیكى ئیرانێ بهێنه بهلاڤهكرن، دیسا ههلویستێ سهدرى حوكمهتێن بۆریێن عیراقێ دا كو ههردهم پشتهڤانیێ راستیێ بوویه و دژى گهندهلیێ بوویه و ههر گاڤا دڤیا شیا جادا بهغدا بههژینت، لێ هێشتا یارى ب دووماهى نههاتیه ب سهركهفتنا سهدڕى و لیستا سائیرون یا خودانا 54 كورسیێن پهرلهمانى، بهلكو گێمێ دووێ مایه و ئهرێ سهدر دێ شێت مهزنترین ههڤپهیمانى ل پهرلهمانێ عیراقێ دروست كهت و درووشمێن چهندین سالان ل جادا دگۆتن دێ كهته پراكتیك و ئێدى دێ دهست ههلاتا ئیرانێ ل عیراقێ ب دووماهى ئینت و دێ حزبێن نێزیكى ئیرانێ لاواز كهت و دێ كار كهت بۆ پاشهۆرژهكا گهش، ئهڤه ژى دێ مینت ل سهر رۆلێ دبلۆماسیێ موقتهدا سهدر ههتا چو ئاست دێ شێت پێكهاتێن عیراقێ ل خوه كۆم كهت تایبهت كورد و خواستێن وان بجه ئینت، وهك دانوستاندنا ژى هاتیه ئاشكراكرن كو بتنێ بهرنامێ حوكمهتێ بۆ كوردان گرنگه بۆ كوردان گرنگ نینه كى سهرۆك وهزیربیت و كیژ وهزارهت بۆ كێ بیت، بتنێ داخوازا مافێن دستوورى دكهت و بجهئینانا دستوورى، لهوما گێمێ دووێ وهك یاریا تهپاپێ گێمێ راهێنهرانه و شیانێن راهێنهران دێ هێنه دیاركرن و موقتهدا سهدڕ دێ ههتا چو ئاست شێت مهزنترین ههڤپهیمانى ل پهرلهمانى بۆ دروستكرنا حوكمهتا نوو یا عیراقێ دروست كهت و دێ ههتا چو ئاست شێت گوهورینێن ریشهى ل عیراقێ كهت.
