پارتی دێ گوهۆرینێن مەزن کەت

ئەڤرۆ نیوز ، زنار تۆڤی :

ژێدەرەکێ بلند ژ ناڤا پارتی دیموكراتی كوردستان ئاشكرا كر، کو د ماوێ داهاتیدا پارتی دێ گوهۆرینێن مەزن لد لق و مەكتەبێن خوە دا کەت.

ئەڤرۆ ئەینیێ كەنالێ K24 بەلاڤە کریە کو بەسام عەلی دێ بتە بەرپرسێ لقێ 12 یێ پارتی دیموكراتی كوردستان ل هەلەبجە و هەروەسا هژمارەکا كادرێن گەنج دێ بەرپرسیاریا چەند لقان وەرگرن.

پارتی پشتی هەلبژارتنێن پەرلەمانێ عێراقێ ، نوکە ئامادەكاری بۆ هەلبژارتنێن كوردستانێ دەست پێ كرینە و ل دەستپێکێ دێ ب گوهۆرینان دەست پێ کەت.

ئەڤە د دەمەکی دایە کو بریارە ل 30 ئیلۆنا ئەڤ سالە دا، پڕۆسا هەلبژارتنێن گشتی ل هەرێما كوردستانێ برێڤە بچن.
پێشتر بەرپرسێن پارتی راگەهاندبوو كو دێ هژمارەکا بەرپرسێن حزبی و حکومی ل هەموو كوردستانێ گوهۆرن و دێ هندەک كەسێن دی چنە جهێن وان.

کۆمێنتا تە