مەسرور بارزانی جەژنا رەمەزانێ ل مالباتێن پێشمەرگەی و شەهیدان پیرۆز کر
ئەڤرۆ نیوز ، زنار تۆڤی :
شیرەتکارێ جڤاتا ئاسایشا هەرێما کوردستانێ جەژنا رەمەزانێ ل مالباتێن پێشمەرگەی و شەهیدان پیرۆز کر و هیڤی خواست کو هەموو لایەنێن سیاسی بۆ بدەستڤەئینانا مافێن کوردان د ئێکگرتی بن.
مەسرور بارزانی شیرەتکارێ جڤاتا ئاسایشا هەرێما کوردستانێ د پەیامەکێ دا جەژنا رەمەزانێ ل هەموو موسولمانێن کوردستانێ و جیهانێ و مالباتێن شەهیدێن سەربلند و پێشمەرگێن قارەمانێن کوردستانێ پیرۆز کر و رۆلێ پێشمەرگەی د پاراستنا ئەرد و گەلێ کوردستانێ ب بلند نرخاند.
هەروەسا مەسرور بارزانی د پەیاما خوە دا هیڤی خواست کو هێز و پارتێن نشتیمانپەروەر و دلسۆزێن کوردستانێ زێدەتر ئێک بگرن و مافێن سروشتی و دستووری یێن کوردستانیان بدەستڤە بینن.