قه‌ره‌يلان: بلا توركيا كه‌ره‌م كه‌ت بهێته شنگال و قه‌نديل
ئه‌ڤرۆ نيوز، فاتما مزوورى:
ئه‌ندامێ كۆميته‌يا ب رێڤه‌به‌ر يا په‌كه‌كێ مورات قه‌ره‌يلان راگه‌هاند كو هاتنا له‌شكرێ توركيا بۆ قه‌نديل و شنگال نه‌يا ب ساناهى يه، بلا كه‌ره‌م بكه‌ن.
مورات قه‌ره‌يلان بۆ كه‌ناله‌كێ نێزيكى په‌كه‌كێ گۆت: “توركيا هه‌رده‌م دبێژيت ئه‌م دێ چينه قه‌نديل. هاتنا قه‌نديل يان شنگال نه‌يا ب ساناهى يه”.
زێده‌تر گۆت: “ئه‌ردوگان ب ڤێ چه‌ندێ يێ پرۆپاكندا هه‌لبژارتنان دكه‌ت، داخوازا توركيا يا سه‌ره‌كى ژ ڤێ ئۆپه‌راسيۆنێ ئه‌وه كو په‌كه‌كێ ژ باشوورێ كوردستانێ ده‌ربێخيت و گڤاشتنان ل سه‌ر هه‌رێمێ بكه‌ت و كه‌ركووك ژ هه‌رێمێ ببڕيت”.
ئاماژه ب وێ چه‌ندێ ژى كر كو ئه‌و ده‌وله‌تا توركيا باش دنياسن، كا ژ لايێ له‌شكرى ڤه چه‌نده و گۆت: “يێ پرۆپاكندا دكه‌ن كو بچنه قه‌نديل، هه‌كه ئه‌و بچنه قه‌نديل ئه‌و دزانن دێ كه‌ڤنه به‌ر چ؟، چوونا قه‌نديل نه‌يا ب ساناهى يه”.
ده‌رباره‌ى وێ چه‌ندێ ژى كو دبێژن قه‌نديل يا هاتيه ڤالاكرن، قه‌ره‌يلان دبێژيت: “قه‌نديل نه‌هاتيه ڤالاكرن، هه‌كه مه‌ره‌ما وان ئه‌م بين، مه قه‌نديل ڤالا نه‌كريه و ئه‌م يێ ل هيڤيا وان، ئاماده‌كارى هاتينه كرن، ده‌ست به‌ردان ژ قه‌نديلى نه‌يا ب ساناهى يه”.