نەتانیاھۆ دێ سەرەدانا ئیرانێ کەت
ئەڤرۆ نيوز:
بنیامین نەتانیاھۆ سەرۆک وەزیرێن ئیسرائیلێ راگەھاند کو وەلاتێ من ب چو رەنگەکێ ل دژی گەلێ ئیرانێ نینە، لێ بەرپرسێن نھا یێن ئیرانێ ب جھێ کو خزمەتا خەلکێ خوە بکەن ھەموو داھاتێ ئیرانێ پێشکێشی ھندەک رێکخراوێن تیرۆرستی دکەن دا رەوشا رۆژھەلاتا ناڤین ئالۆز بکەن و گۆت: “ئەز دوژمنێ گەلێ ئیرانێ نینم و بێگومان من دڤێت سەرەدانا ئیرانێ بکەم”.
زێده‌تر گۆت: “ئەز ھێڤیدارم رۆژەکێ ئەڤ دەلیڤە بۆ من دروست ببیت و ئەز بەرھەڤم ببمە ئێکەم سەرۆک وەزیرێن ئیسرائیلێ کو سەرەدانا ئیرانێ بکەم دا بۆ ھەموو جیھانێ نیشا بدەم کو ئەم دوستێ گەلێن ئیرانێ نە و دەستھەلاتا نھا ناھێلیت ئیسرائیل و گەلێن ئیرانێ پێکڤە وەکو دو برا بژین”.