هاتنوچوونێ 93 ترۆمبێلان ده‌سته‌سه‌ركرن
ئه‌ڤرۆ نيوز، فاتما مزوورى:
هاتنوچوونا هه‌ولێرێ راگه‌هاند كو ئه‌وان ده‌ست ب سه‌ر 93 ترۆمبێلێن بێ تابلۆ دا گرتيه و ئاماژێ ب وێ چه‌ندێ دكه‌ت كو هه‌ر كۆمپانيه‌كا ترۆمبێلان بێ تابلۆ ده‌ربازى ناڤ هه‌رێمێ بكه‌ت دێ ب مليۆن ديناران هێته سزادان.
فازل حاجى، په‌يڤدارێ رێڤه‌به‌ريا هاتنوچوونا هه‌ولێر بۆ ئه‌ڤرۆ نيوز گۆت: “د ده‌مێ بۆرى دا هه‌موو كۆمپانيێن ئينانا ترۆمبێلان هاتينه هايداكرن كو ب چو ره‌نگه‌كى نابيت ترۆمبلان نه‌ئيننه ناڤ هه‌رێما كوردستانێ بێى گرێدانا ژمارا ده‌مكى”.
زێده‌تر گۆت: “دياره هنده‌ك كۆمپانيان پێگرى ب بڕيارێن مه نه‌كريه، ژ به‌ر هندێ ژى ئه‌ڤه ماوه‌كه مه هه‌وه‌ك بۆ ده‌سته‌سه‌ركرنا وان ترۆمبێلان ده‌ستپێكريه”.
ئاشكه‌را ژى كر كو د وێ هه‌وا خوه دا شياينه 93 ترۆمبێلێن بێ تابلۆيێن ده‌مكى ده‌سته‌سه‌ر بكه‌ن.
هيڤى ژى ژ كۆمپانيێن ئينانا ترۆمبێلان كر كو ب چو ره‌نگه‌كى ترۆمبێلان بێ تابلۆ ده‌ربازى ناڤ هه‌رێما كوردستانێ نه‌كه‌ن و نه‌فرۆشنه وه‌لاتيان و گۆت: “هه‌ر كۆمپانيه‌كا ڤى كارى بكه‌ت دێ ب ئێك مليۆن دينار هێته سزادان”.