ھەر کافتریایەکا ئەڤ 23 مەرج و رێنمایە ل دەڤ نەبن نابيت نارگيله لێ بهێته كێشان
ئه‌ڤرۆ نيوز:
ل دووڤ نڤیسارەکا وەزارەتا ساخلەمیێ یا ھەرێما کوردستانێ کو ل رۆژا 11/7/2018 ب ئیمزا د.رێکەوت حەمە رەشید، 23 مەرج داناینە بو جھێن فرۆتنا نارگیلێ و کوفی شۆپان و ب ڤی رەنگی:
1-ئەو کافتریایێن رووبەرێ جھێ وان یێ روونشتنێ بو کێشانا نارگێلی 100 مەترێن دوجار بن، دشێن خوارنێن بلەز پێشکێش بکەن، بەلێ پێدڤیە جھێ تایبەت بو کێشانا نارگیلی ھەبیت کو ¼ مەتر دوجار بن ژسەرجەمێ رووبەرێ کافتریایێ.
2-ئەو کافتریایێن رووبەرێ جھێ دانشتنێ بو کێشانا نارگیلێ 75مەترێن دوجا بیت، نابیت خوارنێ پێشکێش بکەن و دڤێت جھێ وان یێ کاشی کری بیت.
3-پێدڤیە جھێ کێشانا نارگێلێ ژ جھێ خوارنێ بھێتە جوداکرن، ئانکو تایبەت بیت.
4-پێدڤبە جھێ ئامادەکرنا نارگیلێ ھەتا سەقفی یێ کاشی کری بیت.
5-پێدڤیە بلنداھیا جھێ کێشانا نارگێلێ بو سەقفی ژ دو مەتر و نسڤا کێمتر نەبیت و ل ژێ{ عەردی رێک بو ناھێتە دان.
6-پێدڤیە ھەواگوھورێن تەمام بو جھێن کێشانا نارگیلێ ھەبن، ھەر ھەواگوھورەک بو 15 مەترا و پێدڤیە قەوارێ ھەواگوھوری 50سم بیت.
7-پێدڤیە سولینێن تەمام دناڤ جھێ کێشانا نارگیلێ دا ھەبن.
8-پێدڤیە ل جھێ کێشانا نارگیلێ روناھیا سروشتی( پەنجەر) تێدا ھەبن.
9-پێدڤە مەرجێن پاقژیێ دناڤ جھێ نارگیلێ دا ھەبن، ل دووڤ یاسا و رێنمایێن ساخلەمیێ.
10-پێدڤیە دەستشوو و تەوالێت دناڤدا ھەبن.
11-رەژی یا تایبەت ب نارگیلێ بھێـە ب کارئینان.
12-پێدڤیە بۆریا نارگیلێ و فلتەرێ نارگیلێ Disposable بن.
13-ئەو کرێکارێن خزمەتگوزاریێ پێشکێش دکەن، پێدڤیە کارتا ساخلەمیێ ھەبن.
14-ئەو کەسێ ژیێ وی کێمتر ژ 18 سالیێ بیت، نابیت ل وان جھا نارگیلێ بکێشیت و بەروڤاژی خودانێ جھی دێ بەرپرسیاربیت.
15-تابلویێن تایبەت بھێنە ھلاویستن ل بەردەرگەھێ جھی و پێدڤیی یە:
•ل سەر تابلۆی ناڤێ کوپی شۆپێ ( کافتریا) نارگیلەی ل سەر بھێتە نڤیسین.
•ل سەر بھێتە نڤیسین کو نابیت کەسێن 18 سالیێ کێمتر نارگیلا بکێشن.
•ل سەر تابلۆی زیانێن کێشانا نارگیلێ بھێنە نڤیسین.
16-ب ھەموو جوران قەدەغەیە نارگیلە ب شێوێ Delivery بھێتە پێشکێشکرن.
17-تیمێن چاڤدێریا ساخلەمیێ بەردەوام و ھەر دەمێ پێدڤی بکەت دێ نموونێن نارگیلێ ل وان جھان وەرگرن بو مەرەما پشکنینێ بو پشتراستبوون ژ پێکھاتێن وێ، تێچوویێ پشکنینێ دکەڤیتە ستوویێ خودانێ جھی.
18-پێدڤیە رازەمەندیا لایەنێن پەیوەندیدار بھێتە وەرگرتن.
19-ل چایخانە و گازینویان ب چو جورەکی رێ ناھێتە دان نارگیلە بھێنە پێشکێشکرن.
20-ل یانێن ڤەخوارنێ و یانێن شەڤێ، ھەکە ھول ھەبیت دشێن جھەکێ گونجای جودابکەن ل جھێ خوارنێ بو کێشانا نارگیلێ.
21-ژلایێ دارایی ڤە ھەروەکو جھێن گەشتیاری سەرەدەری( معاملە) دێ دگەل ھێتە کرن.
22-پێدڤیە سەرپێچکار ب پێبژاردن (غرامە) بھێنە سزادان ل دووڤ یاسا و رێنمایان کو نابیت ژ (50000) پێنجی ھزار دیناران کێمتر بیت و ژ(500000) پێنجسەد ھزار دیناران پتربیت.
23-ھەر بابەتەکێ ل ڤان رێنما ئاماژە پێ نەھاتبیتە دان، پێدڤیە ل دووڤ یاسایا بەرھنگاربوونا جگارەکێشانێ ژمارە (31) یا سالا 2007ێ سەرەدەری ل گەل بھێتە کرن.
