چار هزار كه‌س ب ڤى شێوه‌ى دێ هێنه دامه‌زراندن
ئه‌ڤرۆنيوز:
وه‌زيرێ ساخله‌ميێ ل هه‌رێما كوردستانێ، رێكه‌وت حه‌مه ره‌شيد، راگه‌هاند ژبه‌ركو نێزيكى چار هزار كه‌س ژ نوشدار وكارمه‌ندێن وه‌زاره‌تا ساخله‌ميێ مۆله‌تا بێ مووچه يا وه‌رگرتى، يان ده‌ست ژكارى به‌ردايه، مه پرۆژه‌ك دايه جڤاتا وه‌زيرێن هه‌رێما كوردستانێ كو ل جهێن وان هنده‌كێن دى ب شێوێ گرێبه‌ست بهێنه دامه‌زراندن.
وه‌زيرێ ساخله‌ميێ، ل دووڤ كوردستان تى ڤى، راگه‌هاند ژى”ئه‌م چاڤه‌رێ رازيبوونا جڤاتا وه‌زيرانه ل دۆر ڤى پرۆژه‌ى، هه‌رده‌مێ رازيبوون هاته كرن، دێ فۆرمان ل نه‌خوه‌شخانه وبنگه‌هێن ساخله‌ميێ راگه‌هينين ل دووڤ وان دجهێن پێدڤى”.