د حەفت هەیڤێن بوری دا 628 روودانێن هاتنوچوونێ ل دهۆکێ رووداینە
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ ئامارا روودانێن حەفت هەیڤێن بوری ل دهۆکێ دیارکرن و بۆ ئەڤرۆ نیوز دا خویاکرن : کو د حەفت هەیڤێن بوری دا 628 روودانێن هاتنوچوونێ ل پارێزگەها دهۆکێ رووداینە.
ناڤهاتی زێدەتر ئاشکرار کر: کو د ڤان حەفت هەیڤێن بوری دا ل سنورێ پارێزگەها دهۆکێ 628 روودانێن هاتنوچوونێ رووداینە، کو 423 ژ وان روودانان لێکدان بووینە و هەروەسا 64 حالەتێن وەرگەریانا ترۆمبێلان پەیدابووینە ل گەل 138 حالەتێن لێدانێ و سێ حالەتێن سوتنا ترۆمبێلان.
موقەدەمێ مافپەروەر ئازاد تاھا بەرپرسێ هوبا پەیوەندی و راگەهاندنێ ل رێڤەبەریا ھاتنوچوونا پارێزگەها دهۆکێ زێدەتر دیارکر : کو د وان روودانان دا 77 کەسان گیانێ خوە ژ دەستدایە و هەروەسا 589 کەس ژی برینداربووینە.
