ده‌سته‌یا گه‌شتوگوزارێ: مە هەموو بەرهەڤی کرینە بۆ پێشەوازیا گه‌شتیاران د رۆژانێن جه‌ژنێ دا
ئه‌ڤرۆ نیۆز ، عه‌زیز هه‌ورامی:
نادر ڕۆستی پەیڤدارێ ده‌سته‌یا گه‌شتوگوزارا هه‌رێما كوردستانێ گۆتیە ، مە هەموو ئاماده‌كاری كرینه، د ڕۆژانێن جه‌ژنێ دا پێشوازیێ ل رێژەکا زۆر یا گه‌شتیاران بكه‌ین، د ئەڤ سالەدا دو ملیۆن و پێنج سه‌د هزار گه‌شتیار دێ هێنە كوردستانێ.
نادر رۆستی پەیڤدارێ ده‌سته‌یا گه‌شتوگوزارا كوردستانێ بۆ ئه‌ڤرۆ نیۆز گۆتیە ژی: مە هەموو ئاماده‌كاری كرینه بۆ پێشەوازی ل گه‌شتیاران و مە کۆمبوون ل گەل هەموو رێڤەبەریێن گەشتیاری کرینە، مە تیمێن تایبەت چێکڕینە بۆ پێشەوازیکرنێ ل گه‌شتیاران.
نادر ڕۆستی دیارکر ژی: ئەم ل گه‌ل خودانێن هۆتێل و خوارنگەهان كۆمبووینە و دڤێت ل ڕۆژانێن جه‌ژنێ دا د ڤەکڕی بن، مە هه‌ماهه‌نگی ل گه‌ل كۆمپانیێن كه‌رتێ تایبه‌ت كریه هەتاکو بشێین زۆرترین دەڤەرێن گەشتوگوزاری یێن كوردستانێ نیشا وان بدەین.
ئەو ژی گۆت: ل جه‌ژنا ڕه‌مه‌زانێ دا 213 هزار گه‌شتیار هاتبوونه كوردستانێ،پێشبینی دکەین د جه‌ژنا قوربانێ دا رێژا گه‌شتیاران ل ناڤه‌ڕاست و باشورێ عێراقێ زێدە ببن، ب تایبه‌تی پشتی ڕێیا هه‌ولێر كه‌ركوك هاتیە ڤەکرن.
ئەم پێشبینی دكه‌ین دئەڤ سالەدا 2ملیۆن و 500 هزار گه‌شتیار سه‌رەدانا كوردستانێ بكه‌ن، دێ به‌رده‌وام بین ل سه‌ر گرنگی دانێ ب دەڤەرێن گه‌شتیاری داکو بشێین گه‌شتیارێن زێدەتر رابكێشینە كوردستانێ.
