ب وێنه: ژماره‌كا زۆرا عه‌ره‌بێن ڤه‌گه‌رياينه شنگال هاتنه ده‌سته‌سه‌ركرن
ئەڤرۆ نیوز، باسم قاسم شنگالی:
ئەڤرۆ سپێدێ پێلەکا ئاوارەیێن عەرەب ئەوێن ل کەمپێن حەسەن شام و گەرم ئاڤا و چەندین جھێن دی ل ھەرێما کوردستانێ و پارێزگەھێن دن یێن عیراقێ جارەکا دن ڤەدگەرن مالێن خوە و ب ئەڤێ چەندێ ئێزدی دلگران کرینە ژ بەر ھەر ئەو عەرەب بوون یێن رێکخراوا تیرۆرستیا داعشێ ب ھەڤکاریا وان دەست ب کۆمکوژیا شنگالێ ھاتيە کرن کو ب ھەزاران ژ ئێزدیان ھاتنە کوشتن و گرتن و رەڤاندن و دەستەسەرکرن.
د ئەڤی واری دا چالاکڤانێ ئێزدی جەلال حەسەن بۆ ئەڤرۆ نیوز گۆت: ئەڤرۆ سپێدێ پێلەکا عەرەبێن ئاوارەبووین جارەکا دی ڤەگەريانه سەر مالێن خوە لێ ھاتە نوکە بتری 40 زه‌لام و ژنان ژ ئەوان عه‌ره‌بان ژ لایێ ھێزێن عیراقی ڤە ھاتینە دەستەسەرکرن ژ بەر ناڤێن ئەوان ل ناڤ ناڤێن ئەوان کەسان دا بوون ئەوێن دەستێ وان د کۆمکوژیا ئێزدیان دا ھەين.
زێده‌تر گۆت: “پتریا ئەوان عەرەبێن ئەڤرۆ ڤەگەریاین خەلکێ گوندێ گۆلاتن ئەو گوندێ ب سەر کۆمالگەھا حەردان ڤە ل سنۆرێ ناحیا سنونێ ل باشووری قەزا شنگالێ”.
