شانده‌كێ هه‌ڤپشك يێ پارتى وئێكه‌تى دێ چيته به‌غدا
ئه‌ڤرۆنيوز:
پشتى كۆمبوونا شاندێ بلند يێ پارتى وئێكه‌تى، په‌يڤدارێن هه‌ردو مه‌كته‌بێن سياسى يێن وان دكۆنگره‌كێ رۆژنامه‌ڤانى دياركر كو ل رۆژا ئه‌ينى يا داهاتى 31/8/2018 شانده‌كێ هه‌ڤپشك يێ هه‌ردو حزبان دێ چيته به‌غدا.
مه‌حموود محه‌مه‌د، په‌يڤدارێ پارتى راگه‌هاند” پارتى وئێكه‌تى بزاڤێ دكه‌ن هه‌موو لايه‌نێن كوردستانى ب ئێكرێزى بچنه به‌غدا وده‌رگه‌هێ وان بۆ دانوستاندنێ يێ ڤه‌كريه بۆ به‌حسكرنا پرۆژێ پارتى وئێكه‌تيێ بۆ چوونا به‌غدا ئاماده كرى”.
گۆت ژى” هه‌تا نوكه 30 ئيلۆنێ ژڤانێ هه‌لبژارتنێن په‌رله‌مانێ كوردستانێ يه”.
سه‌عدى ئه‌حمه‌د پيره، په‌يڤدارێ ئێكه‌تيێ گۆت” ل رۆژا ئه‌ينيى يا بهێت شاندێ هه‌ڤپشك يێ پارتى وئێكه‌تى دێ سه‌ره‌دانا به‌غدا كه‌ت”
ئاشكراكر ژى”هه‌تا نوكه ئه‌م ل گه‌ل چو لايه‌نه‌كێ عيراقى رێكنه‌كه‌فتينه”.
ل دۆر هه‌لبژارتنێن هه‌رێما كوردستانێ ژى راگه‌هاند” هه‌لبژارتن ل ده‌مێ دياركرى يێ خوه دا ل 30 ئيلۆنا 2018 دێ هێنه ئه‌نجامدان وبه‌حس ل پاشخستنا وان نه‌هاتيه كرن”.
