پۆليس و زێره‌ڤانێن كۆمه‌لگه‌ها ده‌رگه‌هێن نێڤده‌وله‌تى يێ ئيبراهيم خه‌ليل مانگرتن گرێدا
ئه‌ڤرۆ نيوز:
پۆليس و زێره‌ڤانێن گۆمركا ئيبراهيم خه‌ليل ل دهۆك كۆمبوونه‌ك دژى بڕياره‌كا سه‌رۆك وه‌زيرێن كار ب رێكه‌رێ عيراقێ ئه‌نجام دا.
پێشتر حه‌يده‌ر عه‌بادى، سه‌رۆك وه‌زيرێن كار ب رێكه‌رێ عيراقێ ب بڕيارا ڤه‌گوهاستنا 466 پۆليسێن گۆمركا ده‌رگه‌هێ سنورى يێ ئيبراهيم خه‌ليل بۆ زێره‌ڤانێن سنورى دابوو، دا كو پۆليسێن عه‌ره‌ب ل جهێ وان بدانن.
پۆليسان د خوه‌نيشاندانێ دا كو سپێده‌هيا رۆژا چارشه‌مبى 29ى ته‌باخا 2018ێ ل دهۆك ئه‌نجام دا و نه‌رازيبوونا خوه به‌رامبه‌ر وێ بڕيارێ نيشان دا و راگه‌هاند كو ئه‌و ب وێ بڕيارێ د رازى نينن و داخوازێ ژ به‌رپرسێن بلندێن حوكمه‌تا هه‌رێما كوردستانێ كر كو چاره‌كێ بۆ كێشا وان ڤه‌بينيت.
ئه‌وان پۆليسان ئاماژه ب وێ چه‌ندێ ژى كر كو هه‌كه به‌رسڤا داخوازێن وان نه‌ده، ئه‌و دێ ل رۆژا پێنجشه‌مبى 30ى ته‌باخا 2018ێ ل هه‌مبه‌ر جڤاتا وه‌زيرێن هه‌رێما كوردستانێ خوه‌نيشاندانێ ئه‌نجام دان.
