دەولەتا قانوونێ: ل رۆژا دوشەمبی دێ كوتلا مەزن راگەهینین
ئەڤرۆ نیوز ، زنار تۆڤی:
هەڤپەیمانیا دەولەتا قانوونێ یا نوری مالكی ئاشكرا كریە کو ئیمزایا لایەنێن پشکدار یێن كوتلا مەزن یا ئامادەیە و رۆژا دوشەمبی دێ راگەهینن.
سەعد مەتلەبی سەركردە د هەڤپەیمانیا دەولەتا قانوونێ راگەهاندیە کو كوتلا مەزن د بەرژەوەندیا هەردو هەڤپەیمانێن دەولەتا قانوونێ و و فەتحێ و حزبێن كوردی و سونیان ئێکلا بوویە.
هەروەسا گۆتیە، چەند رێکارێن هەنە راگەهاندنا كوتلا مەزن گیروکریە، لێ ئیمزایا هێزێن پشکدار یا ئامادەیە.
دیسا ل رۆژا دوشەمبی دێ ئێکەم روونشتنا پەرلەمانێ نوو یێ عێراقێ برێڤەچیت، دهێتە چاڤەرێکرن کو دڤێ روونشتنێ دا کوتلا مەزن بهێتە راگەهاندن، بۆ هندێ کو كاندیدێ سەرۆك وەزیران دیاری بكەن و بهێتە راسپاردن بۆ پێكئینانا حوکمەتا نوو.
