عامرى و مه‌كگۆرك كۆمبوون
ئه‌ڤرۆ نيوز:
نڤیسینگه‌ها هادی عامری سه‌رۆكێ هه‌ڤپه‌یمانی یا فه‌تح د داخویانیه‌كێ ده راگه‌هاند، هادی عامری د جڤینه‌كێ ده ته‌ڤی برێت ماكگۆرك شانده‌یێ تایبه‌تی یێ سه‌رۆكێ ئه‌مه‌ریكا ژبۆ هه‌ڤپه‌یمانی یا ناڤده‌وله‌تی ل دژی داعشێ ده‌ست خستنێن ئه‌مه‌ریكایێ د پێكئانینا حكومه‌تا نوو یا عیراقێ ده ره‌د كرییه و ب مه‌كگۆرك راگه‌هاند هه‌ر حكومه‌ته‌ك كو هون دروست بكه‌ن ب دوو مه‌هان ئه‌م وێ ب هه‌رفینن.
هه‌ر د داخویانیێ ده هاتیه كو هادی عامری سه‌رۆكێ هه‌ڤپه‌یمانیێ هه‌ر ده‌ست خستنه‌كه ئه‌مه‌ریكایێ د حكومه‌تا عیراقێ ده ره‌د دكه و راگه‌هاندیه، رازی نابن كو ئه‌مه‌ریكا ده‌ست بخه ناڤا كاروبارێ پێكئانینا حكومه‌تا عیراقێ ده.
هه‌ولێن هه‌ردوو به‌ره‌یا عه‌بادی و سه‌در ب پشتگیری یا ئه‌مه‌ریكا ل ئالیه‌كێ و به‌ره‌یا مالكی و عامری ب پشتگیری یا ئیرانێ ل ئالیێ دن ژبۆ راگه‌هاندنا مه‌زنترین فراكسیۆنا په‌رله‌مانێ و پێكئانینا كابینه‌یا نوو یا حكومه‌تا عیراقێ د هن رۆژێن ده‌رباسبوویی ده خۆرتتر بوویه.
